اه يا بغداد

[الشاعرابومهند النجفي]

بسم الله الرحمن الرحيم
اختي الفاضله ذكريات إنسان الله يسامحكم
حاشى لله العلي القدير ان يضع ماتقولين هو الرحمن الرحيم على عباده وهو الغفار والقادر والخالق والجبار والمقتدر والوهاب والكريم والحنون ..
احن شئ في الاكوان جميعها فهو الله الواحد الاحد الفرد الصمد ..اشتغفر الله واطلبي من المشرفين حذف هذه العاباره اختاه انتي وضعتيها سهوانا على ما يصيب
العراقيين الله كريم هو الرحوم على عباده ...
هديتي لكم

بسم الله الرحمن الرحيم

اللهم صل على محمد وال محمد

.....

روحي الهامت إبونه وحزنها

يگلبي هالدهـــــر زيد محنها

...........

إنت من الصغر ما شفتي افراح

بس هم وهظم وصـــــــياح ونياح

من حرب إلحرب حتى الصبر فاح

الصبر هو يدور عالصـــــبر راح

تعذر والفــــــــــرس رافع رسنها

.......

روحي الهامت إبونه وحزنها

.........

غار وصار مثل الحلم لـــــو مر

الطفل هذا الوكت مرمره تمرمر

إشلون إگلوب صارة صخر مرمر

شيطان الركب بالعقـــــــــول فرفر

خلاها تدور وشــــــــــــــل ظعنها

.....

روحي الهامت إبونه وحزنها

........

شل إظعونها وشتتها تشتيت

وجمع بيناتم أعظم عفاريت

والعاقل البيهم فـــــجر البيت

وشد حزام ناسف رايد الصيت

حسافه إ بحقد درسها وزنها

......

روحي الهامت إبونه وحزنها

.....

بتفجير البراء وغصت الموت

وتابوت المنايه يصرخ الصوت

ولا واحد يسمعه وفايت الفوت

وحگ يونس نبينه البلعت الحوت

شباب ورود يتمايل غصــــــنها

..........

روحي الهامت إبونه وحزنها

.........

وحگ المصطفى وسيد رسلها

ما شفنه الجره ومحــــــد نقلها

علىدور العباده من أمــــــرها

بس بليس وهــــابي العمـــــلها

ياإم الذي تفــــــــــــــــجر إبنها

..........

روحي الهامت إبونه وحزنها

.........