مو كالوا جديد الوطن راح يصير
قبل وين الوضع عن وضع هسه
قبل خنساء وحده وكلهم يعزون
وهسه بكل زقاق وفرع خنساء
قبل ما ننسه الميت لو تمر سنين
وهسه الصبح ندفن والعصر ننسه
شوف الناس تحرس لا وطنها يضيع
وليش احنه الوطن ما نعرف نحرسه
هسه الدنيا خربت والوطن منهوب
يفرغ بير حزنه وبيدنه نترسه
وتاهة والوضع ما ادري صار شلون
الشرطي والحرامي تشابع بلبسه
قبل جان الغيره تعلي بينه الصوت
اشو حتى ابو الغيره ما طلع حسه
قبل جان الأمان يطب على البيوت
وهسه البشر كام يخاف من نفسه
وطن للشمس بيت تنام بي نجوم
غيوم الدنيا كلهه ما تظم شمسه
يرجع شي اكيد ويرد بينه الحيل
وتتعالى الأصوات ما تظل خرسه
أطلع يا غريب البيت لأهل البيت
طاهر ما نريد اقدامك تنكسه


اشكركم على هاذي الغاني الجميله جدا و اشكر حسام الرسام على الغاني الجميله

عااااااااااااااااااااااااشــــــق يــــــو نــــــــــس