ابوذيات للطيبين

[عراقي هواي وميزة فينا الهوى]

حجي عنك حبيبي الناس من شار
وعليك ايكصني كل السان منشار
عسه كلمن تبله اعليك من شار
اصبعه بشلل ولسانه سويه




جمر ملتهب كلبي اعليك منشاب
وآلك صافي بغرامي وابد منشاب
أخبرك راسي مو عن كبر من شاب
ولكن من حبيبي الكطع بيه



ثجيل ولا تظن بالهين حكلي
وعلى الطيب تفرع طيب حكلي
جزت ويه الحبيب وعفت حكلي
بسب خصمي وهو اليحكم عليه

[عاشق السود الرافدين]

أحبك ما احب على الأرض سواك
سبحــــان الــذي من طيـن ســواك
بشـــر لكــن ويـا القمـــر ســــواك
واحــــد فــوق وواحــد بيــن ايديه
ــــــــــــــــــــــــــــــــــــــــــ
محمود الانباري

[عاشق السود الرافدين]

هلا باللي لهم ذكرى وبعيدين
بقرب قلبي وعن عيني بعيدين
علامك يا دهر مخلهم بعيدين
يحن قلبي إذا سلهم عليّه
ــــــــــــــــــــــــــــــــــــــــــــــــــ
محمود الانباري

[عاشق السود الرافدين]

بعدنـــي الوقــت عنكم بعدني

أموت وأرتجي وصلك بعدني

وتراني عالعهد باقي بعدنـي

وتراك انت النظر والعقل بيه
محمود الانباري

[عاشق السود الرافدين]

حبيبي شمحله وجناته و وجهه

و شعل بالكلب نيرانه و وجهه

أريد أضبط صحن كلبه و أوجهه

و السكنال أطلعه اليوم مية






الدهر ياصاح بالفرقه ولانه

ولانوبه انكسر كلـبه ولانه

لا انت عرفت الحـب ولانه

ولا اظن بعد نتلاكه سويه






أحبك ما احب على الأرض سواك
سبحــــان الــذي من طيـن ســواك
بشـــر لكــن ويـا القمـــر ســــواك
واحــــد فــوق وواحــد بيــن ايديه
ــــــــــــــــــــــــــــــــــــــــــ


هلا باللي لهم ذكرى وبعيدين
بقرب قلبي وعن عيني بعيدين
علامك يا دهر مخلهم بعيدين
يحن قلبي إذا سلهم عليّه
ــــــــــــــــــــــــــــــــــــــــــــــــــ
محمود الانباري

[عاشق السود الرافدين]

ذبت وبنار هجرك مايع اني
وبقه كلبي يعاني ما يعاني
اذا تعطش اشربك ماي عيني
واجيب الروح لعيونك هدية
محمود الانباري

[عاشق السود الرافدين]

يالخزرت عيونك طير شاهين
وعليك الروح والدلال شاهين
وجمالك زاد فوك الهام شاهين
ونبيلة عبيد تاخذلك تحيه
محمود الانباري

[عاشق السود الرافدين]

روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه
محمود الانباري