حواسم للستار خسران الي ميدخل

[ابو كركور]

كبل عندي صديق اصلي جان ايصوم

وبأحسن خلق وخلاق متربـــــــــــــــــي

ماصله قضه ولا فاته ابيـــــــــــــــوم

اشوكت ماجيته راكع ساجد ايلبـــــــــي

ينصحني ويكلي الدنيه ابد متفيـــد

صير ابشكلي وامشي ابمنهجي ودربــــي

وبالك لاتبوك ايغرك الشيطــــــــان

تره ذنبك يكلك هذا مو ذنبـــــــــــــــــــــي

وأجت احداث بوش البيهه طفرت ناس

واحسب بي كمت ظل محترك كلبــــــــــــــي

ومن كلشي انتهاله او ردّت انه الناس

اجيته ابحب لهفتي وياكبر حبــــــــــــــــــــــي

لكيته امسوي شي محد كبل سواه

لاواحد يهودي ولابشر صبــــــــــــــــــــــــــــــي

لكيته امحوسم وباني اكبر بيــــت

وكتب عالباب هذا من فضل ربــــــــــــــــــــــــي

[ابو كركور]

شو ماكو ردو
ددددددددددددددددددددددد

عاشت الايادي يا ابوكركور والله كلامك تمام الحواسم صارت وصعدت ناس ونزلت ناس ولاكالو حلال وحرام وهاي افغانستان من دخل الها الامريكان فتحوا المخازن للناس اجه الافغاني قفل الباب وكال حرام هذا مال المسلمين
واحنا لاحللو ولا حرموا بس اني رأي من وراه صدام خله العالم تضوك الحرام بالكويت واللي يضوك الحرام بعد ما يهمه
والله كريم

[ابو كركور]

احسنت استاذ قيصر المحتر م او اشكر اجابتك او ردك الي حقيقه في مكانه

ربي ايحفضك

[ابو كركور]

لعد اشعبالك ههههههههههه خوش حواسم

شكرا على المرور

[اميرة الليل]

كبل عندي صديق اصلي جان ايصوم

وبأحسن خلق وخلاق متربـــــــــــــــــي

ماصله قضه ولا فاته ابيـــــــــــــــوم

اشوكت ماجيته راكع ساجد ايلبـــــــــي

ينصحني ويكلي الدنيه ابد متفيـــد

صير ابشكلي وامشي ابمنهجي ودربــــي

وبالك لاتبوك ايغرك الشيطــــــــان

تره ذنبك يكلك هذا مو ذنبـــــــــــــــــــــي

وأجت احداث بوش البيهه طفرت ناس

واحسب بي كمت ظل محترك كلبــــــــــــــي

ومن كلشي انتهاله او ردّت انه الناس

اجيته ابحب لهفتي وياكبر حبــــــــــــــــــــــي

لكيته امسوي شي محد كبل سواه

لاواحد يهودي ولابشر صبــــــــــــــــــــــــــــــي

لكيته امحوسم وباني اكبر بيــــت

وكتب عالباب هذا من فضل ربــــــــــــــــــــــــي

و الله شعر حلو وين نلكة هذا الصديق؟ بس والله شعر رائع

تحياتي اخي

[رامي البغدادي]

مشكور اخي على هذا الموضوع
ما اعرف بعد شحجي
اذا هو الاخ جان ينصح
هسه كام يحوسم

[ابو كركور]

شكراا على موروركم او اني بخدمتكم
تحياتي الىاميرت اليل اذا تدورين هيج صديق انخلي يصنعونه واحد بمريد وندذه

تحياتي الك اخ رامي
على كولت الشاعر اكول تغيرت والناس ماهي الناس رضاعت قواطي او خيبو ضني