من تصويري شجرة مكتوب اسم محمد حسب ما يكولون فانتو شدكولون ؟؟؟

[HayderAliraqe]

السلام عليكم ورحمة الله وبركاته
هذه الصورة من فترة طويلة اني اخذته لشجرة في شمال العراق في محافظة اربيل (اقليم كوردستان) وبالتحديد شقلاوة وبالتحديد الدقيق يم البيت الي نسكن بيه
المهم يكولون انه على شكل اسم النبي محمد عليه افضل الصلاة والسلام
والصراحة اني هم اشوفه هيج تقريباً بس خليته اليوم حتى اشوف انتو شلون اتشوفوه بعد ما اعرف يعني صحيح لو صدفة الشكل مال الشجرة بهذه الهئية
والصراحة قبل فترة وقبل ما اخذ الصورة هذه للشجرة
اشوف العالم ومن المسلمين والمسيح بالتحديد
يجون يم الشجرة يصلون ويشعلون اشموع وينذرون او ما اعرف شنو السالفة بالتحديد بس اشوفهم يمه ويسون شغلات دينيه مال مسيح او اسلام
والشجرة مثل ما راح اتشوفوه بالصورة يمه عين مال مي بس فوكه حديد
وتعرفون شنو عين مي يعني من جوه الكاع يطلع الماي
ويصير طعمه عذب وجاري ...
المهم طولت بالكلام بس حبيت اوضح سالفة الشجرة حتى يكون عدكم اطلع على الموقع الي يمه الشجرة
وهسة الشجرة
الصورة الاولى بيه الصورة بس ماخذوة من الجانب الثاني لان من الامام ما اكدر اخذ الصور لان الموقع مسيج وما اكدر ادخل....

وهذه الصورة الثانية بعد ما قلبت الصورة وحتى تظهر من الامام يعني هذه الصورة بعد ان قلبته ببرنامج الفوتو شوب

وهذه الصورة الاخيرة
والي هي بعد تحديد الكلمة بخط ثخين حتى تظهر يمكم وتفهموه بشكل اكثر اخاف مو فاهميمه

واعتذر حجم الصور كبير للتوضيح
قبل ما اتروح وتطلع
اللهم صلي وسلم وبارك على سيدنا ونبينا محمد وعلى ال بيته الطاهرين
تحياتي

[Bint Belady]

وعليكم السلام ورحمة الله وبركاته
اللهم صل على محمد وآل محمد.. سبحان الله بالفعل أخوي حيدر الشجرة على شكل أسم أشرف خلق الله أبا القاسم محمد (ص)..
تسلم إيدك وعدستك على هذه الصور الرائعه..
بنتضار كل ما هو جديد فلا تحرمنا من مواضيعك المميزه
تحياتي وتقديري لك
بنـ بلادي ـت

[رونق الحياة]

اللهم صل على محمد وال محمد

انها بالفعل على شكل كلمة محمد علية افضل التحية والسلام

بوركت اخي حيدر وجزاك الله خيرا

[HayderAliraqe]

اللهم صلي وسلم وبارك على سيدنا ونبينا محمد وعلى ال بيته الطاهرين

مشكورة اختي Bint Belady منورة الموضوع بردكم العطر
ايدكم السالمة اختي
ومشكورة المرور



مشكورة اختي رونق الحياة منورة
يباركم بيكم الله ويحفظكم


تحياتي

مشكــــــــــــــــــــــــــــــــــــــــورة

[قرة العين]

وعليكم السلام ورحمة الله وبركاته
اللهم صل على محمد وآل محمد.. يا سبحان الله
مشكور اخي حيدر العراقي على هذه الصوره المباركه
وفيها اسم وصي الانبياء عليه الصلاة والسلام .. تسلم
وليس صدفه مثل ماتقول بل هي بالفعل مكتوب اسم النبي محمد(ص)حسب ماتراه اي عين مجرده
بارك الله فيك وباامثالك الذين يريدون نشر حقيقه دين اسلامنا العظيم
واتمنى منك او من غيرك ان تنتشر هذه الصوره في جميع المواقع لكي يراه جميع البشر ويبارك فيها.
لان هذه الصوره تستحق النشر ولكي يشاهدون الناس اثار عظمة الله في الارض
لديه سؤال اذا امكن ان تجاوبني عليه بالنسبه للماء النابع المبارك بأسم النبي محمد (ص)
من تحت الارض الموجوده بالضبط تحت الشجره
هل يقدرون اهالي المنطقه بالاستفاده من هذا الينبوع ؟؟ او مغلوق ومحروم عليكم شربه من قبل البلديه يعني الحكومه؟؟

[HayderAliraqe]

مشكــــــــــــــــــــــــــــــــــــــــورة

العفو الشكر الكم لمروركم العطر
معملاحظة انا ولد مو بنت

وعليكم السلام ورحمة الله وبركاته

اللهم صل على محمد وآل محمد.. يا سبحان الله
مشكور اخي حيدر العراقي على هذه الصوره المباركه
وفيها اسم وصي الانبياء عليه الصلاة والسلام .. تسلم
وليس صدفه مثل ماتقول بل هي بالفعل مكتوب اسم النبي محمد(ص)حسب ماتراه اي عين مجرده
بارك الله فيك وباامثالك الذين يريدون نشر حقيقه دين اسلامنا العظيم
واتمنى منك او من غيرك ان تنتشر هذه الصوره في جميع المواقع لكي يراه جميع البشر ويبارك فيها.
لان هذه الصوره تستحق النشر ولكي يشاهدون الناس اثار عظمة الله في الارض
لديه سؤال اذا امكن ان تجاوبني عليه بالنسبه للماء النابع المبارك بأسم النبي محمد (ص)
من تحت الارض الموجوده بالضبط تحت الشجره
هل يقدرون اهالي المنطقه بالاستفاده من هذا الينبوع ؟؟ او مغلوق ومحروم عليكم شربه من قبل البلديه يعني الحكومه؟؟

اللهم صل على محمد وآل محمد

السلام عليكم ورحمة الله وبركاته
الشكر الكم اختي الكريمة قرة العين على مروركم وردكم العطر على الموضوع
انا وضعت الصورة وقلت احتمال اكو عالم يشفوه بغير صورة
لكن الحمد لله اغلب الي شافوه قالو مثل ما اتفضلتي حضرتك وباقي الاخوات الي علاقو على الموضوع
وانا بالفعل ولكونه اول مرة تحصل معاي وانا اشاهد احد الاثار على عظمة الخالق وهي في هاي الشجرة وبصورة مباشرة

قمت بنشر الصور هذه ونفس الموضوع بالنص
في منتديات عراقية اخرى ومنتدى عربي
وكل الي شافوه ردو وشاهدو الصورة مثل ما نشاهده الان وهي عبارة عن شجرة على شكل اسم النبي محمد عليه افضل الصلاة والسلام

الا في منتدى عراقي واحد للاسف بعض الاعضاء
ردو بشكل مو تمام واخذ بالموضوع بعيد
وواحد منهم جاب الصورة ورسمه ويكلي اني شفته هيج بشكل غير مقنع وبعيد جداً عن الصورة للاسف...

المهم انا اطالت كثيراً بالكلام
وطبعاً اعتذر عن التاخر بالرد والجواب على سؤالكم الي طرحتوه حول عين الماء

الماء الي موجود تحت الشجرة غير مغلق
ومفتوح للجميع واغلب العالم من يجون يم الجشرة يشربون منه
والي يصلي يتوضاء طبعاً منه
لذلك هو ماء مفتوح 24 ولا يتوقف ابد لانه عين ماي جاريه
واما عن السياج الحديد الي فوق العين
فهو مشبك حديدي لحماية الناس من السقوط في عين الماء
وعين الماء بيه منفذ صغير ثاني جانبي للشرب او غيرها ...

جزيل الشكر لكل من مر على الموضوع
تقبلو خالص التحيات

مع ملاحظة
-------------------------------------------------------------------------------------------------------------------------------------
الصور ما مكتوب عليه شي ولا اكتب عليه شي كا اسم او شي لذلك انا اتمنى ان تنشر في اي مكان على النت لكي يروا العالم عظمة الخالق
-------------------------------------------------------------------------------------------------------------------------------------

[katkota]

اللهم صلي وسلم وبارك على الحبيب المصطفى محمد وعلى آله وصحبه الطيبين الطاهرين
سبحان الله .. فعلا هي على شكل اسم النبي محمد عليه افضل الصلاة والسلام
بارك الله بيك أخوي حيدر على الصورة المباركه
بأنتظار جديدك المميز

تحياتي وإحترامي