مشاركة: مئات القتلى والجرحى بسلسلة تفجيرات في بغداد
المشاركة الأصلية كتبت بواسطة ماجد
كلامك صحيح وعلى العين والراس..واقول لك شي
احنا الشيعه عمرنا منعرف التفرقه بين اخوانا السنه لان هم شعبي العراقي
وبحكم الجيره عاشرناهم وبينا خبز وملح وعندنا نسب منهم وهم ايضاً
عندهم نسب بينا وشاركناهم بالاحزان والافراح فهذا شي منتهين منه
واحنا ماشين على هذه الايه (واعتصموا بحبل الله جميعاً ولاتفرقوا)
وكلتنا من امة لا اله الا الله محمد رسول الله والي يقول غير ذلك
فهو كافر.. فاحنا ممختلفين في هذا الامر.
بس المصيبه مو اهنا المصيبه الي يدسون التفرقه بين السنه والشيعه
اعطيك مثال على ذلك: العملاء يقتلون الشيعه ويقولون لنا نحن قتلناكم
بأسم السنه ..وهم نفسهم يقتلون السنه ويقولون لهم هم الشيعه قتلوكم
حتى يقودوهم الى حرب اهليه مثلما تسمع وتشاهدالان في ساحة العراق
وهذا كله يخدم مصالح امريكا من اجل النفط ومن اجل ان لاتحكم العراق
شيعتنا مع انه انتم سمعتم بالتصويت الانتخابي الشيعه هم حصلوا على اصوات كثيره
ولكن للاسف الي اخذت اصوات قليله هي الان تقرر وتحكم العراق ..
فخلينا انصيير واقعيين في الكلام مثل الي يقول( هم نزل وهم يدبج )ومثل اخر
(فوق حقه دكه) وقسم منهم هربانيين بالاردن الظاهر يحلون مشاكل العراق هناك
مكان ميحلوها بلدهم وتركوا الشعب وسط النار هولاء يريدون يحكمونا هم مو بكدها ..
والله حق الشهداء العراقيين الابرياء كله برقبة عدنان الدليمي والمطلك وحارث الضاري
الي سلمو اذانهم وايديهم لاعداء العراق.. ميريدون العراق يستقر يريدون العراق يرجع لازلام صدام البعثيين ,,, اكول الكم مخلصت اموال صدام الي سرقه من الشعب؟
لان لحد الان بعد مماته جماعته يبقوله متعبوا من هذا البوق شنو هل الاموال
الي متاكله النار يمه هذا اشكد على كلبه هذا ولا الاربعين حرامي ..يالله مااخذ شي
وياه بقبره رجع حافي منتف وجماعته بلعوها ..
اخي ماجد سمعت الاخبار اليوم اشكد ماتوا زوار الحسين (ع) فوق الميه ماتوا
وانشاء الله ينحسبون شهداء عند الله وجرحه تقريب راح يصيير الميتيين
وين هذا العدل يا ناس الشيعه ينذبحون بغير حق ...النا الله ياخذ حقنا منهم
اما عن الحكومه غسلوا ايديكم منهم لايحلون ولا يربطون همهم على كراسيهم
ان كان سني او شيعي هما بس حافظين هذا النشيد (نستنكر او اندد ) ولا عبالك
شي صار لان الضربه مواصلتهم والضحايه من الشعب مو منهم ..
وكلنا امرنا الى الله ...حسبي الله ونعم الوكيل
والله لو العراق هسه يحترك كله ..الحكومه متحرك ساكن المهم كراسيهم باقيه
وصايريين مثل الشطرنج بيد الامريكان
ومعروفيين عينك عين الشمس هم الوهابيين والعملاء الذين يعملون لصالح امريكا واعوانه... اعذروني على اطالة الكلام
تحياتي لكم
نمور
رد مع اقتباس