عيد الفرح
شعر روافد الياسري
يا عيد الفرح ماضنه مثلك عيد
يمر إعلاالوطن ويعطر إچفوفه
يا ثار الضلوع الغفت علعمدان
بعيد الله الچبير الثار منعوفه
ياثار اليتامه الغافي من سنين
ياشهگت عذاره بليل مخطوفة
يا ثار الوطن ويا نوح الحديثات
اليوم العدل بعراگنه نشوفه
راح ابن الزنيم الخله ابكل دار
دمعات الحزن كل عيد مذروفه
يا اول صباح من الفرح أبچيه
وهذا اول فرح أبچيه ملهوفة
خل عباس ينبح يطلب فليسات
وخل ازلام عفلق تبچي مچتوفه
وخل جبر إيتلگه صديم المگبور
وخل چيچان ينعه بعين مزروفه
اذا البصرة فرحت مصباح يوم العيد
لعِدْ زاخو اجت متبردغة الكوفة
ياعيد الفرح ياعيد البعيدين
يمر اعلاالوطن ويعطر إچفوفه
والي مسامع القصيدة ايكلي انشره واني ابرسم الخدمة -----بس مع احتراماتي الى الشاعر عباس جيجان لان اني احترمة واحتر اشعارة بذات -- بس ابهاي خربه