{خرسه الروح}
....
خرسه الروح
خرسه أشفافها
وصوت الگلب مبحوح
لاونت
ولا عنت
چذب غنت
ولا بانت عليها أجروح
خرسه الروح
راسي مختلي
ومشلول تفكيره
والحزن العلي
خلاني أ بحيره
يسحلني سحل..رمشي..
أعله جرف النوم
وعيني تحوم
مثل عش أنسلب
وتعاين الطيره
لاتگدر تجي
ولابيها عنه تروح
....
خرسه الروح
...
ياروحي الصبر يخنگ
أحس گلبي
أحسنه يريد يطگ
قفل بابه العشگ...
ياگلب ميريدك
عليمن تحترگ..
ياهوّهَ اليفيدك
يگلبي شما تون...
كل ونه بجمره
تشگ گلب الغصن...
من تطلع الثمره
صرت چلمه..
بحلگ أخرس
بحلم أخرس
لايحچيها
لا تنمس..؟
بس بيده يظل يلوح
...خرسه الروح
.....
كلمات
ناصر اسماعيل الموزاني