بقلمي-قصيد جديده عن الامام علي

[ناصر اسماعيل الموزاني]

امسيه شعريه أقيمت في أمستردام عن الامام علي بتاريخ 21رمضان وقد أشتركت بهذه القصيده الجديده عن الامام علي أرجو ان تنال رضاكم........
.....
هبت ماتهب...... ذاك آنه أيوب
أظل رغم العواصف ماسك الدين
لاني بايعت .....سلطان الگلوب
أذن ما أخاف من باقي السلاطين
علي وحده سكن بالگلب محبوب
والباقي فقط...... أسم وعناوين
علي المعصوم وأولاده من العيوب
وبشر باقي البشر كلهم الباقين
صورنه علي ...بميدان الحروب
وما شفنه علي... أباقي الميادين
علي بكلشي علي..نادر وموهوب
علي ماله شبه.... بين المسلمين
ما شفناه بزهده ....مرگع الثوب
وبيت المال عنده ....بيه ملايين
ماشفناه.. وهو يدگ على البوب
نص الليل ......يتعنه المساكين
ما شفناه يصلي. وچنه مرعوب
وبصوته رعب... كل الشياطين
ردتله الشمس من وكت الغروب
منو مثله علي ...غير موازين
علم الكون عنده أبگلبه مكتوب
يدري بدنيتك ...شيصير بعدين
عند الله ونبيه ..بخلقه محسوب
باقي الناس ما تعرف أبو حسين
لان الحق علي. الحق ممرغوب
والباطل أله...... رغبه ومحبين
من الرحمه علي؟ ليكرها مشطوب
وفاز إلي يحب... جنه ورياحين
ضربتك ياعلي.. بالخندق أتنوب
تعادل ياعلي.... أعبادة الثقلين
أنه مسودن بحبك.عقلي مضروب
وأتفاخر أنه.... بهاي السوادين
علي أسمك فجر وحروفي أغروب
عذرا على الفرق مابين الاثنين
............
.......كلمات
ناصر اسماعيل الموزاني

[ناصر اسماعيل الموزاني]

كولٌش حلوة
عاشت أيٌدك

شكرا لمرورك الجميل لك كل الورد