الشاعر ميثم عباده
قصيدة تعودنه الى الشاعر ميثم عباده
تعودنه الفجر نتلاكه انه وياك
وعلى اخيوط الصبح نتغطه ونام
وياخدنه الغرام وننسه كل الكون
ولف ايدي اعله خصرك لفت احزام
وتندهنه الشمس لوباست الوجنات
وعلى كرصة ضواهه اتفز الحلام
هسه اتاخرت ماجيتني اليوم
ليش اتاخرت من دون الايام
شكل الناس عنك من يسالون
ونضرات الشماته التمطر اسهام
انه ابجبهة قنابل ولشماته اسلاح
غشيم انته وعفتني ابنص الالغام
انكسر حايط صفنتي وصيحت مرعوب
اشتضن تكدر تلزمه الكلب لوهام
صرت كلي ورق ونته عفتني ابنار
وجمرات المفارك صارن اقلام
حجو كلهم حجو من انته ماجيت
اشترو رايات بيضه ورفعو اعلام
شيهمني الحجي لورادو ايلومون
محب فارك حبيبه اشلون يلام
ارجع وانه اكلك راضي بالموت
وصير انته الحكم وحكمني بعدام
وفكنه امنل سوالف ولحجي الموزين
وخدني ابليل شعرك خل نرد النام
رد مع اقتباس
رد: الشاعر ميثم عباده
