بقلمي-يالطبعك جمر

[ناصر اسماعيل الموزاني]

{يالطباعك.. جمر}
,... . . .
. . . .
يالطبعك جمر-- وآنه أبرود الماي
من تگبل عليه بلمسه أطفيها
ما تكبر حسرتك وانته صوت أغناي
من تطلع أردها بروحي واخفيها
أرد السان أهّك--- وادفع بيمناي
بكل قوتي أكض الآه- وألويها
تنام بذروتي-- وانه اظل بشتاي
روحك لو غفت بالروح أدفيها
غصيت بعطش- يبس دربها ألهاي
ودمعي بلا نشد قصتنا يرويها
تظل روحي حزينه ون ونيني الناي
وعلى أوتاره الكمان تعلم البيها
أرحل لو ردت--معناها انته الجاي
والراحل أنه من الدنيا والبيها
----
-----
------
...........كلمات
ناصر اسماعيل الموزاني

[ابو فاطم]

امتعتنا حقا
شاعرنا المبدع
وليس غريب عليك التميز وجمال النظم
كل الشكر لكم
واطيب تحياتي

[ناصر اسماعيل الموزاني]

امتعتنا حقا
شاعرنا المبدع
وليس غريب عليك التميز وجمال النظم
كل الشكر لكم
واطيب تحياتي

شكرا اخي الغالي ابو فاطم على مرورك الرائع لك كل الورد

جوريه لروحك
عاشت اديك خيي