{أبگلبي ينوح ويدور}
......
ابگلبي ينوح ويدور
الحزن چن صوت ناعور
الدمع جواي باقي
أون ونة عراقي
چني بحزن عاشور
العنب گدامي عالي
وچفي ...ما لاح
وتگلي أترس أسلالي
وصير فلاح
أبد ما جاني النوم
وراسي محمل أهموم
صرت مثل الفراشه
بحلگ زرزور
.......
أبگلبي ينوح ويدور
@@@@@@
صفن شمعات عمري
كومة ادموع
وأنته بحالي تدري
وتطلب أشموع
آنه أدري الحزن
مرات مطلوب
لأن المايون
مو بشر محسوب
أنه وي الحزن.. توؤم
اذا ما أون.......أنسم
وانه جرحي رصاصه
بجنح عصفور
......
أبگلبي ينوح ويدور
@@@@@
رافگت الحزن
من أول أسنين
وأنه جرحي يعن
چن جرح سچين
بغيابك إلي....؟
حالات مجنون
أحاچي الروح
ما أسمع اليحچون
جفن مملوح
ما تغفالي أعيون
ورداتك غفت
ما عاندت نوم
وأنه ورودي بقت
تحسبلك أنجوم
أسهر ع الحزن
وتنام مسرور
يانوم العوافي
نوم الاطيور
......
أبگلبي ينوح ويدور
@@@@@
.....
.....
.......كلمات
ناصر اسماعيل الموزاني