له اربع اسنيـن وهـو راس مالـي
ويمشي معي دايم على السمع والطوع

يا كان يعشقنـي ويعشـق ظلالـي
ويا هو في موق العين والقلب مطبوع

أذكر مواقـف بيننـا فـي خيالـي
ثم اتبسـم واكتـم الدمـع واللـوع

مليـت مـن تمثيـل دور المثالـي
اللي يشوف الشوق والحب ممنـوع

يا خوي انـا مانيـب رجـال آلـي
هيكل من الفولاذ والصلب مصنـوع

صحيح اكابر لـو الاحـزان فالـي
واتظاهر الشبعه وانـا ميـت جـوع