قصيدة بلاية عنوان لشاعر عادل نزار الموزان

[عادل الموزان]

اريد اكتب قصيد بلاية عنوان
وشرط ماكتب اسمك بأول الصفحة
قصيدة مخدرة قط ماقراهه اللسان
بس من ظلم هجرك تنكلب وكحة
جريئة أتصير من تسمع بقصتي وياك
تكض رأس العشك بالقافية اتذبحة
من يختاض قلمي يصير حبرة ارماح
ومن ظهر الأصيلة الفارس اطيحة
لاتحسب خضوعي ضعف مني وياك
غلطان الفجر لمن كتل صبحة
وحيد ايظل اكيد الفجر صبحة يموت
ويظل بيد الشماته وبالخطى اترجحة
صحيح اللسان عندك حاد مثل السيف
وصح كلبي ترف كلماتك اتجرحة
ولئن يهواك كلبي بكل صدق واخلاص
قررت انسحب واتركلك السبحة
بيدك عد خرزة وشوف كم شاهود
شاهد عالجنيته ويكدر ايصرحة
امس بيدك سهم صوبت بية الروح
ودرت وجهك ولاكن روحي منذبحة
رغم هذا اعترفلك راح اضل اهواك
وذكرك بالكلب للموت مامسحة


لشاعر عادل نزار الموزان في29/3/1012

[سلام الدراجي]

قصيده رائعه وبوح جميل تقبل تحياتي