عتاب ...بشار الشداد الحياوي

[ابو عقيل]

لتقدم عذر شتفيد الأعذار
مـا أقبل بعد كل أعتـذارك
مو كتلي بعد ما أشعل النار
صار أخطر علي منـها شرارك
صدك صح المثل وانطبق وياي
كوم أحجار أهـون من جـوارك
جنت واهم وأصدك كل محاجيك
وحجيِ الليل ممسوح بنهارك
ما ذكرك بعد حاسبهن احساب
جـم مره تبدلي بقرارك
جمالك لا تظيعه بسؤ الأفعال
خل فعلك مثل طيبة سمارك
وأعرف منو الباعك منو الشاريك
منو اليفضح ..منو اليحفظ أسرارك
عتاب وياك قاسي عتاب مجروح
تطش ملح على جرحه اباب دارك
علي تـورج الرادوا يشمتون
و براسي طلع كل اقتدارك
فارك ما لعب من اليكرهوك
من خلك بعبك لعب فارك
بهونك دنيتك لتغرك أهواي
بخفيف الريح يتكشف ستارك
لا تشمر حجار عله الحياطين
كزاز ابساع يتفلش جدارك
حسبالك أطيح بهجرك وياي
أحسب للزمان أو لنهيارك

تعديل المشارك

[محسن المفرجي]

كلمات جميله جدا ياابوعقيل وقصيده لها وقع رائع على من مر بها
تحياتي وتقبل مروري

[الشيخ ابوحيدر]

الله الله الله
قصيده بالصميم واجت بوكتها
دمت مبدع اخي وتتحفنا بكل ماهو رائع
وجديد
تحيااااااااااااااااااااااااااااااااااااتي

[ابو عقيل]

شكرا عزيزي محسن هذا من ذوقك ياطيب

[ابو عقيل]

عزيزنا ابو حيدر مرورك شرفنا يا صاحب الذوق الرفيع

[ابو عقيل]

شكرا عزيزي لؤي
مرورك شرفني