اين الوعود التي قطعتها امام الشعب!!!!

لالالالا
انت متوهم الامريكان طلعووو من العراق ولا امريكي بقه وحكومتنه مسيطره ورده
وجيش المهدي وجد لنصرت العراقيين ولا اذه عراقي واحد ولا قتل حتى لو نمله عراقيه
اصلا هو من وراه شردووو الامريكان وخله الامريكان يبيعون اسلاحهم للعراقيين ويفلتون من العراق
ولقد تم انهاء تشكيله
والاستعراض الجديد كان مجرد استعراض لا اكثر وأحتفال
وان كل العراقيين مرتاحين بعد الانسحاب الامريكي
وعايشين برفاهيه والسياسيين متفقين
لا مشاكل ولا طائفيه عيشه رغد وسعاده اصلا منعرف شنسوي من كثره الرفاهييه الي عايشيه
مدكولي شيريد الشعب العراقي بعد اشو كل مواطن عنده وظيفه وارقه بيت بسمه بيت تسرح بيه الخيول من كبره

وكل صيف تلكي العراقي يروح يسافر ويصيف بدول سياحيه اوربيه

خوب بعد الانسحاب الامريكي كل عراقي جته حصه من النفط ماكو اقل شي 10 الالف دولار بلشهر مدكلي شنريد بعد
والحصه التموينيه لقد تبرع بها الشعب العراق لشعب الصومال
لان العراقي عايش برفاهييه شيسوي بمفردات الحصه من تمن وشكر وطحين وحليب وأجبان وحمص وعدس ودجاج ولحم وووو كلشي وكلاشي ميريده بعد الشعب العراقي لانها مو ماركات عالميه
تدري بعد الشعب عايش برفاهيه وكل شخص تجي 10 الالف دولار بلشهر كام يدور على الماركات العالميه

فلهذا قدم العراقيين الحصه التموينيه للصومال

والكهرباء هسه عدنه بلعراق 1500 محطه كهربائيه وكل محطه بقوة توليد اربع ميكا واط فلهذا بس 18 محطه مشتغله للعراقيين والباقي
كمنه انصدرها وبلاش الى الدول الجوار خطيه خلي يستفادون خلي مره يصيبهم خير العراق
خطيه ما ادري شلون عايشين بلحر وبهل البرد الله يساعدهم خطيه هل المساكين

وووووووووووووووووو

عمي العراق صار بلمرتبه الاولى بلرفاهيه بين الدول العربيه والعالميه وين ميروح العراقي اله هيبته اسد

يا جيش مهدي يا امريكان الي تحجي بيه
لا خويه متوهم ماكو هيجي شي

احنه شعب حر محد يكدر يجرء ويدخل بشؤونه

حكومتنه مستقله وموحده ويد وحده لا دول جوار ولا ميليشيات
اكو واحد يكدر بلعراق يسويله ميليشيات اصلا اي واحد بس يفكر ان راح يسوي ميليشيه
متدري منين يطلعوله الي وكفوه عد حده
متدري من الجيش لو الشرطه خوب حكومتنه راسا وبدون تفاهم تضربه بيد من حديد ونار

اكو واحد عنده ميليشيات بلعراق اصلا ماكو ولا ميليشيه بس القوات الحكوميه ولائها للعراق وبس وبس للعراق والعراقيين وبس وبس ميعرفون اي شي بس شي اسمه الوطن العراق


خلينه عايشين شنو حاسد العراقيين على هل العيشه المترفه

يا وعود
اصلا حكومتنه كالت امهلونه 100 يوم وراح اشوفون العجب

وعينك مشوف غير النور
يابه وره 100 يوم صار اتغير وضع العراق الى الامن والحريه والديمقراطيه والرفاهيه
والبطاله انتهت والتهجير راح مات
وكل عراق كام يمشي ويوكع من جيبه فلوس
لان انملت بلفوس والامان والحريه
واذا كثير الخير يتبده