رساله قلم الى ممحاة المعرفه بصديقه

القلم لوراد يكتب يفضح المستور
عنده اسرار يامه بحبره خافيهه

لكن بيه طبيعه يقيم الزينين
واصحاب المصالح مايمربيهه

احذرك ياصديقي الجنت بيه تشيد
احضرت اسمي تريد الساحه تخليه

ماكلك يهمني وماتوسل بيك
بس شوف النتيجه شلون تاليهه

لان ساسك رمل وتهزك الريح
وحق العشره حسبالي توافيهه

غدر طبعك يضل تتلاكَه الوجوه
واعلمك بالنوايا الجنت تخفيهه

اهدم سورحلمك والردت تبنيه
وعلاقاتك المشبوهه ومخازيهه

خليك بغرورك واتبع العيار
اباب الدار روحك خاف تنطيهه

ياناقص وفه ومابيك زود ارجال
وسفه اعله الزلم بانت مغازيهه

للينكَط السانه اسموم تحنو اعليه
والماخذ طريجه ارسومه تمحيهه

بس غم الزمان البيه مثلك ضال
وياخذ للنشامه الموت واليهه

اصبر راح اعلمك بيه بعد ايام
من اجمع قوافي الشعر واطريهه

وحط اعله الحروف انقاطك الشينات
يطلع ناتجك ماخذ صفر بيهه

بقلم السيل الجارف

الله كلمات راقية وذات معنى كبير تحياتي لك ولقلمك المبدع اخي سيل

[الشيخ ابوحيدر]

دام الابداع والتالق
قصيده رائعه دمت بهذا
العنفوان اخي
تحياتي لسموك

[شاعر غرام]

اصبر راح اعلمك بيه بعد ايام
من اجمع قوافي الشعر واطريهه


الله الله يامبدع

غدر طبعك يضل تتلاكَه الوجوه
واعلمك بالنوايا الجنت تخفيهه

اهدم سورحلمك والردت تبنيه
وعلاقاتك المشبوهه ومخازيهه

خليك بغرورك واتبع العيار
اباب الدار روحك خاف تنطيهه


مبدع انته اخي السيل الجارف وصح لسانك قلم شجاع تحياتي الك حب

الاخ foraten.net/?foraten.net/?foraten.net/?foraten.net/? الطيب اسعدني مرورك
شكرا لك

الشيخ ابوحيدر
شكرا لمرورك
الراقي

شاعر غرام
الابداع مرورك ياغالي
شكرا