شــــــــــردأكَلـــــــــــــــــــــــــــــك

[محسن المفرجي]

مدري شحجي
تاهت الجلمات مني وشرد اكَلك
شرد اكَلك
ليش ماكَلت امناالول مااحبك
شرد اكَلك
تدري عفت انه الدروب ومامشيت ابغير دربك
شرد اكَلك
تعبت كَلبي ابهواك وجان همي اسعاد كَلبك
شرد اكَلك
وانته مني وانه منك
شرد اكَلك
ياجسم يمشي اعالروحي وانه دمك
شرد اكَلك
وانته ياروحي العزيزه وانه جسمك
شرد اكَلك
ياكَلب ماشال كل غل ابحياته وانه نبضك
شرد اكَلك
ونته طولي وانه ضلك
شرد اكَلك
وانته ياسحر العيون وانه رمشك
شرد اكَلك
وانته ياعين المحبه وانه دمعك
شرد اكَلك
وانته يااحله عيون وانه كحلك
شرد اكَلك
وانته محبس وانه جفك
شرد اكَلك
وانته يااحله ابتسامه وانه سنك
شرد اكَلك
انته يالصدرك زجاج وانه عقدك
شرد اكَلك
انته قرآن العشك وانه الكتبتك
شرد اكَلك
انته مرسول المحبه وانه وحيك
شرداكَلك
انته يامسجد صلاة انه قبلتك
شرد اكَلك
وانته ياقاضي الغرام وانه حكمك
شرد اكَلك
وانته دستور الهوى انه الوضعتك
شرد اكَلك
وانته ياشمس المضيه وانه فجرك
شرداكَلك
وانته شلال الوفه وهاذ انه نبعك
شرداكَلك
وانته شاطي الخير تجري وانه جرفك
شرد اكَلك
انته ياسدره التفيي وانه جذرك
شرد اكَلك
وانته ورده وانه حقلك
شرد اكَلك
ونته بستان العشك وانه الزرعتك
شرد اكَلك
وانته يااعرق حضاره وانه مجدك
شرد اكَلك
وانته ارض الرافدين وانه نهرك
شرد اكَلك
انته ياقصر الارام وانه سكَفك
شرد اكَلك
ياجبل راسي ابشموخ وانه قمتك
شرد اكَلك
انته يمضيف المحبه وانه شبتك
شرد اكَلك
انته نسمت صيف تسري وانه اشمك
شرد اكَلك
انته شِربت ماي سم لاماحسبتك
شرد اكَلك
انته ياليل السكون وانه نجمك
شرد اكَلك
يانغم غافي اعالشفتي انه العزفتك
شرد اكَلك
ونته يالوحه ثمينه انه الرسمتك
شرد اكَلك
انته يااجمل قصيده انه الكتبتك
شرد اكَلك
ونته صندوق العجايب وانه قفلك
شرد اكَلك
يازرع يالماحصدتك
شرد اكَلك
ونته زاد وانه ملحك
شرد اكَلك
انته يالماكو ابحلاتك وانه طعمك
شرد اكَلك
ياطفل غافي وهزك وانه مهدك
شرد اكَلك
تعتقد مثلك اكَولن مااحبك
شرد اكَلك
ابقى احبك
لوصرت بالزاد سمي راضي اجرعك
وابقى احبك
لون تحكم عليّ اعدم راضي حكمك
وابقى احبك
لوتذريني رماد ابريح صرصر مااملك
وانته احبك
لو الف مليون كلهم مثل طبعك
انته احبك
تدري اموال الوسيعه ماتغرني واكتفي
ابفد نضره منك
ابقه احبك
انته احبك
والله احبك

بقلمي المتواضع عسى ان تنال اعجابكم
كتبت بتاريخ 14/5/2002

[سجاد الرحال]

احسنت اخي المفرجي
قصيده رائعه
ننتضر القادم
تحياتي

[زهراء القيسي]

قصيدة روعة
لصاحبها الاروع
دمت متالقا يا راقي


تحيتي لك

كلمة روعة او إبداع او تالق احترت بأيهما أبدء

لكن ما أكلك غير سلم الله لنا هذه الانامل الراقيه

تقبل مروري البسيط

السلام عليكم حبيبي المفرجي
شرد اكلك ضيعت بعض المحاسن-من قصيده رايعه انختمت باسمك
شملت الحلوات كلهن-وانته مثل الرازقي-شما كثر حجيك زاد عطرك
جانت مطرزه بليلو--وبكلبدون المحبه--تلمع من بعيد شفناه حبيبي وهذا طبعك
والشعر صدكني هو الباس اديك --وصار شاعر-كام يتغزل بشعرك
تقبل مروري--تحياتي لك

[نبراس الفرات]

يسلم قلمك الراقي اخي
اتيت لارد لانك شاعر وللكلمه
عندك وزن ومعنى رائع لم استطع الذهاب
دون ان اترك مايدل على اني كنت هنا

[محسن المفرجي]

احسن الله اليك يالرحال وشكرا لمرورك
الذي اسعدني تحياتي

[محسن المفرجي]

شكرا لك اخت زهراء على هذا الاطراء
والمرور الرائع لك ودي وحترامي تحياتي