قصيدة (تهمة)
(تهمة) حيدر حسن البهادلي
كلشي گالو .. گالو الشاعر رخيص .. گالو الشاعر ضعيف
ايبيع روحة .. ايبيع نفسة .. وبالمقابل لو رغيف
ولليروح ولليجي ممدودة ايدة
ومادرو بالشاعر ورحة العنيدة
ومادرو بعيون عدة لمن تبچي أصير دمعتهة قصيدة
وجروحة وكحة وشامخة وكلش عنيدة
من تريد أطيب يتقصد يرد يلچمهة بيدة
لآن بلچمة يحس طعم الآلم .. أيريد يطلگ المشاعر
حتة يگدر ينجب افكارة الجديدة
ولو مشة وية الناس جثة اتشوفة يمشي وروحة عن الجثة تلگاهه بعيدة
وياترافة روحة چن جنح الفراشة عالورق تلگاهة مطبوعة قصيدة
وبعد بية عدة صفات هذا ليلك ماينامة .. أيفكر أبكل اليتامة
تدري بس عد حيدرة هاي الصفات .. أذن لا تستبعد الشاعر أذا نال الإمامة
هذا طبعة مصاحب الليل وظلامة
وصحبة وي الليل صحبة
يسولف لكل نجمة سالوفة عشگ حافظهة گلبة
يعني قيس شكبر گلبة شكثر حافظ ..
گلب شاعر مستحيل اتقيسة تگدر ..
وخلگة گد الكون وكبر ..
وبالة طول النيل وطول ..
ولمن يصفن يظل بالصفنة عمر ..
حتة يعصر دم خيالة اينزفة عالورقة حبر
وبالحچي ميزان حچية الچلمة موزونة بلسانة
ألسان شاعر يحچي بس چلمات عذبة
الطيبة بية بحجم حبة.. ومايردك من تطلبة
مثل حاتم بالكرم .. والكرم عندة قضية .. من الطفولة ..
تشوفة يبچي لون ماو ياه طفل يرضع سوية
وصبر عدة ابوچة كل شدة أيتحول بندقية
وتتطلع اهاتة رصاص أصوب أبصدر المنية
مطلگ الدنية ابكبرهة ومايحب چلمة خطية
ومن يحس بالموت يمة يوصي احبابة بوصية
من أموتن لوحة ترسم أعلة گبري
بيهة أريد أحساس ينبض ..
ورقة محترگة أعلة نصهة ..
ويمهة مگصوصات أدية
وأسفل اللوحة كتابة ..
انته يلمار أعلة گبري شكثر قاريلك شعر أقرة مرة الفاتحة لروحي هدية
رد مع اقتباس