عراق ومن وكع جثته اكبر من الكاع

[بنت العراق الحر]

السلام عليكم

طبعا هذه القصيده لطالب جامعه كتبها وهو في حاله حزن على الي صاب العراق


عراق ومن وكع جثته اكبر من الكاع

ومثل هامه حسين الهامه مطبوره

لبو السجاد ربك سوى عاشور

لجن ياهو العراق يسوي عاشوره

طاح بليل يمهم والصبح باكوه

ونباك الوطن والباكه ناطوره

وذبح بيده العراق بخنجر السفاح

ونزف دمه اعله طينه وصار كافوره

مااعتب واكول الصوج بالسفاح

هو الصوج بينه نصفك لشورة

وناسك للاسف كلمن صفاله بصوب

وكلمن اخذ نصه وبيده اخذ دوره

وناس تسفرت صنطه بسواد الليل

ومن صبح فجرها ديار مهجوره

وناس تيتمت من هزت الكاروك

وخواطرهم بعد للحين مكسوره

وناس بلا شرف تاجرت بلاعراض

بضماير اعله الرصيف برخص منشوره

عكس جندي شريف تعوق من سنين

وشظيات الحرب بضلوعه مسموره

جرايد باع وكفه بساحه التحرير

بطرك عكازه وحده ورجل مبتوره

ومعلم رسم عدنا من الشرف مخلوق

لان ماكدر يرسم حلم بالصوره

بطل مايعلم واشتغل خباز

واحلامه انبنت من طين تنوره

[رونق الحياة]

اللة اللة اللة على هذا الكلام الرائع
والكلمات القوية
مشكورة اخت جمانة

تحيااااتي

[بنت العراق الحر]

رونق مشكورة حبيبتي على المرور
الله يطول عمرج

[بصراوي مشاغب]

والله كلمات قمة الروعة جزيل الشكر جمانه على هذه الشعر

الرائع والجميل وبنفس الوقت حزين تحياتي لك على هذه

المشاركة الرائعة والجميلة

ننتظر مزيدك ياوردة

[بنت العراق الحر]

تسلملي يابصراوي

الله يخليك ياورد

[عراقي أصيل]

لبو السجاد ربك سوى عاشور
لجن ياهو العراق يسوي عاشوره
طاح بليل يمهم والصبح باكوه
ونباك الوطن والباكه ناطوره

أي والله أختي صح لسان شاعرنا وسلمت يداكِ أختي
ومثل ما يقولوها أهلنا كَعدونا على أبساط المروة
مشكورة جمانة على الكلمات الرائعة

تحياتي

فارس الليل العراقي

[عراقي أصيل]

تم نقل الموضوع الى قسم الشعر الشعبي


تحياتي


فارس الليل العراقي

[بنت العراق الحر]

فارس الليل العراقي

تسلم يالغالي الله يطول بعمرك