بقلمي- فجر متاخر أهواي
{فجر متاخر أهواي}
فجر متاخر اهواي
وصبح شال الثامه
والشمس جابت الظاي
وليل لم اخيامه
الظلام ----
تحول بلون الثلج
الشمس---
ركبت ع الظلام
وشدت بظهره السرج
ونفتح باب الفجر
ساعة صفر
عدموا أرگاب الظلام
وچان حاكمنه السلام
الليل
بفعاله أحترف وأجرامه
شال قرآنه وعلن أسلامه
وما شفعله
التظاهربالكتاب وبالعقيده
وماشفعله
ونفذوا أعدامه
ونفذوا أعدامه
الشعب
ابن الفقير
تنصب بديرتنه أمير
مانريده احنه يصير
مثل ماصاروا قبل
بكيفهم حطوا شريعه
وعدموا بشرع الحبل
مانريده يهين جاره
ويغتصب بالقوه داره
نريد من عنده مكان
وبيت لليسكن أمان
وأبو لو جار الزمان
وحضن يحمي أيتامه
فجر متاخر أهواي
وصبح شال لثامه
كلمات
ناصر أسماعيل الموزاني
رد مع اقتباس
رد: بقلمي- فجر متاخر أهواي
المشاركة الأصلية كتبت بواسطة سامي المشكور
