رافضي يقول لناصبي
راح اكَعد وسولف وطي الف برهان
وﮔـعدك للحقيقـــه وخلهـــــم يشوفون


عابس عــدنه جـــن بحب ابـــوالسجاد
ياهــو العـــدكم انتــــــم بيــه تنجنــون


عـدنه الـﮕـمر يزرع بالشريعه ﭽـفوف
ويخظــراً عــــــــداله ادلــــي اليتيهون


موﭽــفين ذبهــن ﭽـنـــــه ذب الكـــون
بقـــن نيشان بيهــن ﮔـــامـــوا يحلفون


وعدنه الحــــــره زينــب اسأل التاريخ
من تحـﭽـي تراﭽـي تحط بذان الكون


نتباهه بالاكبــــر مـــــــن برز للجيش
ياهـــــــو العــــــدكم انتم بيـه تتباهون


سميلـــي التحبه وياهـــــــــو تفخر بيه
واحطـــن طينتـه بخــــده وألك ممنون


بـــس يمكن اعـرفه مـــو ابو السنتين
وﮔـــالاهــــا بلسانــه وكلهم يشهـدون


ﭽـــا ظل حافـي يمشي وداعتك محتار
وﭽـــا ظيـــع السانــه وكلهـم يعرفون


سنتين الدرسهن عـــــد امامـي شبيك
لو دارسله ستـــه شلـون شتـﮕـولون


تعـرفه النـزع ثوبــه بمعــركة صفيـن
هـــذاك العاص ابـوه البيه تفتخــرون


تتباهـه بهذولــــــــــــه ياجليل الــراي
لـوعـــــدكم حسين شلون شــــسوون
بقلم الشيخ ابوحيدر الشويلي

الله الله الله
والله كلمات لا بعدها كلمات
وابداع لا يضاهيه ابداع
انها كلمات الحق
وللتأريخ له شأن في تسجيل ذلك
ابدعت والله
اخي الغالي ابو حيدر
دمت متألقا