مو بيدي العشك

مو بيدي .. العشگ يسري بحنايا الروح



و من شفتك حبيب الروح سميتك

حسيتك قريب و اغلى كل الناس

و لا چنك غريب و هسه لاگيتك

يا نسمة هوا شمدريني راح اهواك

گلت مثل مثل الهوا و ما ادرري .. شميتك

من ذاك الوكت ما غبت عن البال

الگلب بسمك تسجل و انحسب بيتك

يا نبعة ورد ما بيك نتفة شوك

ناعم يزهي لونك و العطر صيتك

فصلت البشر سويتهم تمثال

و انت الروح بالتمثال خليتك

يا نهر العشگ يا سلم الافراح

عطشان و حزين و واگع و جيتك

رايد كلمه منك مو كلام هواي

و اذا انت تريد الروح لبيتك

بس كلمة احبك كافي عاد ارجوك

حت لو بالچذب بس گول حبيتك

مما راق لي

[سامي المشكور]

مبدعه يافاتن
اختيار متميز
لك تقديري

تحياتي لك ياسامي ومشكور يالغالي

لك مني اجمل باقه من الزهور العطرة

عشكتك عشك ماينقاس من راسي لحد جدمي ونسيت أبحبك الدنيا وجميع الناس حتى اسمي ؛؛ كلشي بيه يصيح اهواك كلبي وروحي وهدمي احبك ااه بضلوعي وغرامك يمشي وي دمي

تحياتي وتقديري الج فتون