للأمام علي (ع)

[أحمد الكعبي]

من يمر طاري فاطمه ترجف جميع أمفاصلي
وأعضاي كلهه ترتعد وأصبح بشوگي مبتلي
وتزداد دگات الگلب ويسرع نبضهه الاولي
وتتراگص أشفاف الفرح وتعزف أنغام الموصلي
وتتفتح أبواب الأمل وينفتح ميت باب ألي
من حيث بسم أم الحسن سود النوايب تنجلي
لخدمتهه منذور العمر يرحون فدوه الهه هلي
جننني حب أم الحسن خله يتشمت عاذلي
سويته نصين الگلب نص فاطمه ونص لعلي...



ندري لكل مسبب سبب
وكل معلول اله عله
ربك خلق آدم ليش
وچم آدم خلق گبله
نظام الكون بالأفلاك من يدور
كلهه أبحكمه متصله
سماوات وگمر ونجوم عطارد مشتري وزحله
سر أبعالم التكوين منهو اليوصَله ومن يگدر يفصله
عليمن سجدت الأكوان
ورَب الكون عليمن سلم وصلى
بزغ نور الولايه بعالم التكوين وأتعله
وصل عبر الحجب نوره
وصل للعرش وتجله
علي شنهو بشر .
لاموبشر حاشاه"
ملك لامو ملك حاشاه"
علي سر وصعب كلش صعب حله.



الغيره محبة علي وماغيرهه غيره
لو چان عقلك يشك ذره بعلي غيره
مهرك الَگده على كلمن ذكر غيره
وأحذر لفكر الذي بين الخلگ ينداس
ذوب أبمحبت الوصي وخل يندس النداس
الينكر ولاية علي حدر الجدم ينداس
لا ولي الا علي ومانرتضي غيره.

[ابو فاطم]

الله يبارك فيك
صح لسانك يا غالي
كل الشكر للمشاركة الطيبة
جعلنا الله واياكم من مواليهم والثابتين على حبهم الى يوم يبعثون

[سامي المشكور]

حلو ياforaten.net/?foraten.net/?foraten.net/?foraten.net/? الكعبي
سلمت اناملك