بقلمي- ما كطعت وياك وصلي وما جفيت

[ناصر اسماعيل الموزاني]

{ماگطعت وياك وصلي وما بديت}


ماگطعت وياك وصلي وما بديت
چنت ما ادري وبديت انته الگطع
انه أمنتك گلب بين الضلوع
تاخذه وتروح هذا بيا شرع
كلمة الباطل صفت عندك صحيح
وكلمت الحق والصگ ما تنسمع
شوف مقياسك تقيس بيا قياس
شلون بالناقص طلع ناتج جمع
أتحذر من الياكلك باحلى كلام
مره مو مرات ---هو الينخدع
من الحچي لتقيس افعال الصديق
بالتجارب والفعل قيس الربع
بالكلام الزين لتقيس النفوس
بالورود اشواك تطلع بالضلع
ولا تحاچيني بعد عن الوفاء
ونته مثل الناربرگاب الشمع
انه شايلك خلگ مثل الفرات
شما تضيگ اعليه يوصله النبع
انه متامل فجر بعد الظلام
عندي طولة بال والخلگ الوسع
شما دفعت الريح بسمومك علّي
عندي باب الروح يتحمل دفع
تدري كلبك ليل وبگلبي الشموع
شلون تتكبر على ضي الشمع
شلون وانته بلا ورد وانه الربيع
وبشته وصبخه تأمّل تنزرع
لتكبر----- لو نفع بيدك يفيد
يموت يم بابه اذا بمنّه النفع
هيه مو بالطول تنقاس الرجال
شجابه الزرافه يم فعل السبع
ولا تزغره بعين لو شفت الگصير
ياكل اكل الديو لو جاع الضبع
عفت ديني وانته ما صدگت بيه
مني ليش تريد أأمّن واتبع
انه غيمه بهيبتي رافع الراس
الناصر الموزان مخلوق الرفع
مايطخ الغيم راسه شما عطش
الماي يوصله ويرد يطي الزرع
الماي يوصله ويرد يطي الزرع

كلمات
ناصر اسماعيل الموزاني

جميل جدا يا اخ ناصر ... دمت بهذا الابداع ... تقبل مروري

[سجاد الرحال]

قصيده رائعه وجميله جدا وذات معنى
تقبل مروري اخ ناصر لــــــك فائف
تقديري

[ناصر اسماعيل الموزاني]

جميل جدا يا اخ ناصر ... دمت بهذا الابداع ... تقبل مروري

مرورك الاجمل لك كل الورد اخي العزيز
اخوك ناصر

[ناصر اسماعيل الموزاني]

قصيده رائعه وجميله جدا وذات معنى
تقبل مروري اخ ناصر لــــــك فائف
تقديري

شكرا اخي العزيز على مرورك لك كل الورد
اخوك ناصر