أحييك على هذا الموضوع

اهم شي ان يكون حوارنا هادف وبعيد كل البعد عن التهجم او العنصرية

بصراحة خلي نحجي الصدك , شكد ما جنت فرحانه بتنفيذ حكم الاعدام بالطاغية صدام
الا من سمعت هذه الهتافات الفرحة بدت تتحول الى استنكار الى ما قاله هذا الشخص
الذي لم يبالي لكل الذين سوف يشاهدون هذا الفلم .

صدام لم يظلم فئة بحالها بل ظلم جميع فئات الشعب العراق
الي يكول لا لصدام اعتبره انصبت فاتحته او يلحك على روحه ويشرد
المهم , هذا الشخص لمن نادى بهذه الهتافات ما حسب حساب لكل هذه الطوائف
وكأن طائفة بحالها هي التي نفذت هذا الحكم وهي التي تريد هذا الحكم فقط دون الاخرين

وبعدين يا اخي هم جاي ينفذون حكم اعدام فماكو داعي يهتفون بمثل هذه الهتافات
الي تدل على انتمائهم لكتلة او حزب
واحنا نعرف زين شلون الوضع ملتهب بين الاحزاب وصايرة ملاحم بينهم

بس هو العتب مو على هذا الشخص العتب على الحكومة والمحكمة الي ما عرفوا يرتبون
طريقة الاعدام .

والمفروض يكونون اكثر حرص على انه ما تطلع مثل هذه الافلام خارج المحكمة
بس ويامن تحجي . ومنو يسمعك .