ها....... ما أجت

[أحمد الكعبي]

هاااااااا. ما أجت
كلت أنگطع فتره وأجي
هلبت تجي
شو ماأجت
شو حتى بستان العشگ
ورداته ذبلت حنبت
وحتى البلابل أيست
من رجعتك سكتت بچت
وحتى الفراشات التحط
علورد من عنده أشكت
گالت أمس جوري الورد
واليوم كلهه أتفرهدت
كل الحچي الگلناه أمس
صح بالهمس
مومني بس منك بدت
روحي تذوب بغيبتك
وتلهفيت لردتك
وچفوفي سندانة ورد
لاتعتقد
فد يوم بالحب خانتك
ورحي أعله فطره من تحب
من دون خلگ الله يصاحب رادتك
وجروحي شو كلهه تون
وأنته يصاحب ماتحن
حنيت هسه لشوفتك.
گلي تجي لو ما تجي
مو صرت بفراگك شمع
وأشتعل نار بغيبتك
أرجع متانيك أعى أحر من الجمر
هلبت تمر
تطفيلي نار محبتك
وبماي مدمعنه نطفي آهاتنه
ونبرده جانون الگلب
من دمعتي ومن دمعتك
هلبت تجي.
چوتني بالحب فرگتك...

[سامي المشكور]

شكرا لك
كلام رائع جدا
تقبل مروري