أنه أبن الحزن .............................. بقلمي

[عقيل كريم الشويلي]

أنتهينه وهــذا حـدنـه وياك
وماضلت سولف بـعـد نحجيهه
انتهت ضحكاتنه المرسومه عالشفتين
وكضت دمـعاتنه الجـنه نبجيهه
كثرن بكلبي جروحك وصارن اهواي
ومن اثارهن ياجلمه البعد تشفيهه
تحددنه وبـعـد ماتمشي الرجلين
وبـعـد خطواتنه الياجرح نمشيهه
ولك بسك يادهــر متكلي اشبيك
ومتكلي الياوكت نظل الضحكه نخفيهه
بقيت اتبيع بحزنه الهــذا والـذاك
وكمنه ادموعنه بأغلى الثمن نشريهه
يخايب جلمات عندك ماتمـر عالبال
ولاتخطر عـلـه العاقل ويفكر بيهه
ياليل منك ابد ماشفت راحـة بال
وأنه راحة بالي بأحزاني كمت أسليهه
شتريد انته أخذ منك كلشي ماريد
والضحكة من الشفايف قررت امحيهه
أنه أبن الحزن ماعرف الفرح يوم
وبكسرة كلب كمت افراحي الاكيهه
ولك لاتزع ورد وبصفه عـاكـول
وتجيب الصحيحه اعله الجربه تدنيهه
شوف الفرق بين الورد والعاكول
وشوف الجربه ويه الصحيحه اشبيهه
لاتهجي الروح بسك بعد مايفيد اللوم
وماتستحق كل هذا منك حتى تهجيهه
ازرع طيب خاطر تحصل اعله الطيب
والوادم جزات الطيب بالطيب توفيهه
أنه ماتت روحي وهذا حدها وياك
ماتستحق منك هجاء تستحق ترثيهه

بقلمي
عقيل كريم الشويلي
4-9-2011

[امنيات ضائعة]

كثرن بكلبي جروحك وصارن اهواي
ومن اثارهن ياجلمه البعد تشفيهه
رائع انت كعادتك سيدي الكريم
دمت مبدعا دومك

[كبريــاء رجـل]

ااااالله اااالله عليك اخويه عقيل رائع رائع ومبدع انت تسلم ويعطيك العافية تحياتي الكـ ياغالي

[نــونــة]

ولك لاتزع ورد وبصفه عـاكـول
وتجيب الصحيحه اعله الجربه تدنيهه
شوف الفرق بين الورد والعاكول
وشوف الجربه ويه الصحيحه اشبيهه
كلمات غايه في الروعه منك ياشاعرنه المبدع
تحياتي لك

[الشيخ ابوحيدر]

انت رائع ابن العم
فكلماتك لامست شغاف القلب
وتدانت من الجروح وجعلتها
تنزف شوقاً الى حبر قلمك
الرائع دمت ودام فيض قلمك
واحساسك
تحيااااااااااااااااااااااااااااااااااتي
ابن العم

[بلسم الروح]

ابداع
وتميز وكلام في الصميم
صح لسانك وسلمت يمينك
والله كلمات غاية في الروعة
لا حرمنا من روعة قلمك ايها الممز
دمت لمن تحب
تحياتي

[الشاعر يوسف الذهاب]

الشويلي ابدعت عزيزي

[عادل المنصوري]

شكرا على هذا البوح اخي العزيز الشويلي
شكرا لك مرة اخرى