عجايب هالوكت ياناس بيه الوفي ماينحب
وبيه الي يريد اهواه طول العمر يتعذب
وانه اهواي عذبني وخله النار بين احشاي تتلهب
ويبقه الزين طول الليل وي الروح يتكلب
احبنه واغار اعليه حتى من الهوه لو هب
اكلله الزمن غدار يولفي من الزمن اتجنب
يبينلك وجه مملوح وهو من الظهر عكرب
يكلي انه شعلي بلناس هي الناس تتكلب
هذا يكلي ياعيني وهذا ابطولي متعجب
اعرفنك ترف مغرور وطبعك بلحجي تجذب
تعاشر يوم لو يومين وتالي تبيع من اتحب
جنت انت الهوه للروح وانت الزاد والمشرب
وجنت يوم الاشوفك بيه كلبي من العشك يسلب
لجن حظي واعرفنه يروحي الجان الي مذهب
وتظل طول العمر خسران وبدنيتك تتعذب