يارقيق اسنين مرت على الفراق وانت بعد واني باقي مناطر

لا بعت حبك ولا منة شكيت واكثر من اليوم احبك باجر

جنت عايش بالزمن مالي حضور ومن عشكتك كمت احسن حاضر

وجنت اشوف الناس كله بلا وجوه ومن شفت وجهك صحت ياساتر

يارقيق الشوك ذوبني عليك يمتة بوصالك تجبر الخاطر

مرن سنين وصلك على شحيح شحت الجنة على جدم الكافر

واني محتاجك لان قربك حياة وجاي اشوف ع الوصال تكابر

ارق ستاذ بقسم الحنين المايجاوب بلعشك مو شاطر

يارقيق ارجوك بادلني الشعر بلا شعور يموت تدري الشاعر

خلي اكولن بلعشك بخت جبير كافي اكولن بختي بالحب عاثر

انتخيتك فدوى عبرني ضرير الحي مطارك نيتة كلبي يسافر

بتذكرت حبك طمع كلبي اكيد لاتاجلني لشعار اخر

تعبتني دخيل حسنك يارقيق وداعت عيونك بعد مو كادر

بادرتك يام بدفاتر غرام بكلمة يمعود دخيلك بادر

مو حرب حبي الك حب سلام تدخل بحرب السلام وغامر

غامر بشفتين وحساس ولسان وحتى لو ماتنتصر مو خاسر

اني بعيوني اشوفنك جبير لكن بحبك اشوف قاصر