خطاب الى الشعب العراقي

[ابو الحق]

يا شعب العراق
يا شعب العــــــــراق من الازل وانت بهالظلم والجــــور = كضيــــــــت العمــــــر كله وانت معَصـــــب ومقهـــــور
كل شــــــــعوب العالـــــــــــم نلـــكاها تبـــــــني قصور = بس انت الوحــــــــيد البـــــــيك تــــــــزداد القبــــــــــور
يا شعب الوطن تاريــــخك من القدم على الورق مسطور = وتاريـــــــخ غـــــــــيرك عالرمـــــل يمكن جان مذكور
يا شعبي من زمان وانت بالحضارة والعلم معروف مشهور = وغيرك صار عنده علم وللاقمار كــــام بفلكها يـدور
يا شعبي كضيت الدهر وانت منحني ومكسور = تحســــب فد يوم تصـــــــفالك الدنيـــــــــــا وتعيش بفرح وسرور
يا شعبي جتك ذياب ووحوش جانت خاتلة بجحور = استلمـــــــــت حكم وكعدت عل الــــكراسي وبرزت الصــــدور
يا شعبي غريب اليـــــحكم وانت صاحب البيت مغدور= زورو شهادات وكــــــــام بعضهم لبعض ينادي دكتـــــــــور
يا شعبي لشوكت تغفه وحواليك ناطره جلاب ونسور = كلـــــه تريد تنهش لحمك وتتركك عالطريق مذبوح مشمور
يا شعبي اجاك المحتل بدبابات وطائرات وجيش مأجور = اجـــــــاك عالنفــــط هايج جنــه ثــــــــور برمح منحـــــور
اجاك وخرب كل البنيته بسنين ودهــــــــــــور = وانــــــت تبـــــــــاوع ياهـــو وياك وياهــو ضـــدك منذهـل مبـــهور
لكينه السياسي خاتل ببيت بالخضراء وحواليه حدائق وزهور=والعراقي حاير بحاله وما عندة عجينة خبز للتنـــــور
يا شعبي عليك اتفق المحتل والسياسي بحلف منشور= انت تبقى كادح وهو ينهب مالك ويدزه للخارج بسفن وبحور
يا شعبي هم حسبت فدم يوم تصفالك وتعيش بسكن ودور= اصحــــــــى من نومك وشوف الوطن جاي ينوكل بقشور
مسكين الشعب كل همه الماي والكهرباء والنور = وعصـــــابات الغدر قسمت الوطـــــن وما ظـــل بيه شبر مستور
خطية الشعب مصدك اعلام السياسة سنين وشهور = سبع سنين انكضت ولا شفنه خدمات ولا امن ولا وطن معمور
جذب بجذب السياسة دوم يواعدونا بتحسين الامور= ويوميــــــــــــا العراقي على النفط والغاز نلكاه واكف بطابـــور
يا شعب العراق اصحى من نوم الضحى صرت انت كبش منذور= باعوك انت والوطن ودمك انشرب بكأس مفطــــور
يا شعب يا مسكين اصحاب الكراسي محوطة بكومة حماية وسور=وانت صاحب الارض ما الك مكان ودمك بكل كتر مهدور

بقلمي ابو الحق

[ابو فاطم]

رحم الله الشاعر العربي الكبير ابي القاسم الشابي ،، حين قال :

اذا الشعب يوما اراد الحياة
فلا بد ان يستجيب القدر

ولابد لليل ان ينجلي
ولابد للقيد ان ينكسر

ندعوا الله ان ينصر العراق والعراقيين على كل ظالم
وان يخلصنا من براثن هذا الاحتلال البغيظ
بسواعد رجال العراق الغيورين الشرفاء
لابد ان يبزغ بعد الظلام والظلم ، صبح جديد

شكرا للقصيدة الجميلة
ولجهدكم الكريم اخي الكريم
تحيتي وتقديري

[سامي المشكور]

شكرا للكلام الجميل
قصيده حلوووووووه

سلمت أناملك يا أبو الحق
شعر مميز ومؤثر
حفظك الله للعراق

[الشاعر محمد الحميداوي]

رائع ما خط قلمك سلم لنا هذا الابداع عزيزي ................. تقبل مروري

[ابو الحق]

تشرفت بمروركم شكرا لكم جميعا