هويات مجهوله

[الشاعر يوسف الذهاب]

شواطينه بعـــد مــا تجمـع احباب
اذا مـحتــل اكـــو يقـره المسافــات
وحش يحسب علينه حـد الانفاس
ويـعــد الــوان جنحنـان الفــراشــات
كلشي ابهل وطن عنوان معروف
البشر والشجر وعشوش الحمامات
يسووله هويـه بيــهــا تــصـــويــر
ألا الجــثث مــا الــهــن هـــويــــات
معاملنه بعـــــد ما تنـتج اقــــلام
لأن مــــات العـــلـــم بـــالاغتــيالات
معامــلــنه صفت تــصنع تــوابيت
وراها كـلنه نمشي احـياء ومــــوات
شعب مذبوح بسيوف وسجاجين
وعلـى اطــراف المدن صايــر نفايات
غمـك يـاعنف لـن شيمـــة البيك
زغـــر عقلك كـــمت تنسف مزارات
بعـــد وين اليصلي يلكه محــراب
وبعد وين الغــزالي يــغـني بستات
حدوك ياوطن ماتـمنــع اجـــنـاب
ربــايـــا مبعــثره بـس العــــــلامـــات
خريــطه معـلكــه بصـدر القوارير
وخــاف بيــوم تاكلهـــا الـــدويــــلات

[سلام الدراجي]

حياك قصيده رائعه بروعه كاتبها
ان شاء الله تزول الغمه عن هذه الامه
تحياتي ابو مروه
سلام الدراجي

[الشاعر يوسف الذهاب]

الاخت فاتن اشكر مرورك الكريم تمنياتي بالتوفيق للجميع

[الشاعر يوسف الذهاب]

ابو حيدر العزيز انت واحد من الهويات الوطنية الناصعه احترامي ومودتي.

[الشاعر محمد الحميداوي]

رائع تقبل مروري سيدي

[الشاعر يوسف الذهاب]

اجد نفسي مطوقاً بفظلك اخي الغالي ليله مباركه