ياورد الحدائق ياصباح الخير...

[أحمد الكعبي]

ياورد الحدائق ياصباح الخير
يابوسة ندى بخدود كل مشتل
ياصوت البلابل من يغرد ليش
وردات الحدايق تزهي ماتذبل
ياقاموس عمري أشكثر بيك أقريت
گلبتك ورقة ورقة ومالگيت الحل
حبك أمتحان يدوخ الميدوخ
لئن حتى جوابي عليك هم يسأل
ونضراتك عرش ورموشك الحراس
ومارايد حياته البيك يتغزل
وعيونك مسافه وحقنة بيهه أنتيه
وجفونك دول عن دول وين أندل
ولك يامدري شنهي وخدك ولايات
وأشفافك محطة وريلهة معسل
ولرگبه سوالف طشت أعله الناس
المخبل عقل والعاقل أتخبل
وبصدرك درب ممنوع أحب أمشية
وحدر زيجك ضوة يكشفلي لو هدل
ولو بكتار صدرك تنوجد لبدات
لم كل جهة بصدرك بيهة شايل تل
يل طولك قيامة وخصرك النارين
كل شبگه علخصرك جلدي يتبدل
والمشية أحتفال وترگصلهة الگاع
وبهزت أديك أگلوب تتدندل
طرگاعة لفتني أشگد ألك حبيت
وطرگاعة التلفك لأن تتحمل
ماتتحمل أنت أني أگولن هيچ
ألفظهة تتحمل وأنت تتململ
ولو أسمك قصيدة أحجيته لخرسان
أفتهمو صفگولي وطلعت الاول
بالقران أحبك وأنة بالقران
من يسكت ألساني بگلبي تترتل
لاتزعل عليه لو أرد أزعلك يوم
مو قصدي أزعلك حته تتدلل
قررت أنة أعوفك حته أضوج أعليك
وحته أشوفني لجلك أشلون أنسل
أقل من يوم عفتك شو صرت نصين
وأحس نص راحلك من عندي يتختل

foraten.net/?foraten.net/?foraten.net/?foraten.net/? الكعبي

[سامي المشكور]

foraten.net/?foraten.net/?foraten.net/?foraten.net/?الكعبي
كلمات رائعه جدا
تقبل تقديري

[أحمد الكعبي]

أنتَ الرائع بمرورك أخ سامي
شكراً لكَ,

[أحمد الكعبي]

أنتَ الرائع بمرورك أخ سامي
شكراً لكَ..

شكرآ اخويه العزيز ع الانتقاء المميز
الرجاء ذكر اسم الشاعر
أو كتابه منقول للأمانه الادبيه ولمنع الحذف لاحقآ
تحياتي لك

[شاطئ السلام]

انتقاء مميز
صح لسانك .
قصيدة جميلة..
تحيتي لك

[أحمد الكعبي]

أيليا الغانمي
أي أمانه تتحدث عنها.
و الكثير قد تطاول على كتاباتي هنا وهناك مع أني لم أبلغ مرتبة شاعر.؟
فكيف لي بأيقاف هذاالتطاول رعاكم ربي.