ليش يا كلبي بعد تسال عليه
اليحبك راح وي أول محب
حبنه جان الينظرب بيه المثل
هسه غدرك صار بالحب ينظرب
انه ما اعتب على كلبي ألهواك
كلبي يعتب لان ما حبك جذب
وأنت أذا أستاذ تلعب على المحب
طبعي من أعشك صدك ما حب لعب
لان قيس ابن الملوح صرت بيك
هايم ويه الجن أحس ريحي تهب
أدموع ألك صبن غشيم وما دريت
وأنت ليه دمعه ما تكدر تصب
وأنت إذا ناوي صدك ترجع لي يوم
يرفضك كلبي فلا تكدر تطب
لان طبع الغدر وي دمك يعيش
وعلى باب كليبي اسمك منشطب
برحي حبك جان وسگيتك حنان
وتالي بيدك تترس بسلته الرطب
شيص البرحي وذبل كله من أيدي
على الشفا يف چأن مرهم ما نضب
ما ينضب ابد يرتد بدية أيريد
يهمسلي بعطف العب فلا يغضب
ما يغضب عليه أنت الفتحت الزيج
حرت من يا عثك انه اخذ المطلب
روح أنت ابتعد عودك ذبل وياي
بيدك جوكرين ومتعرف تلعب
ولا تنصب شبچ للغير أنت أتطيح
تطيح آنت ويطيح ألعلمك تنصب
ولا تسال محب شنهو السبب حبيت
من طبع الإذن على السمع نار أتشب
وإذا كال البعض تهذي أرد عليه
الأذن كالعين تعشك لا لتتعجب
الدكتور
الشاعر سلام الدراجي