قصة وغرام............. بقلمي

بهيدة ولاتدير الوجه بسكوت
موتدريني احبك كافي أتكبر
من فركتك خضر جرح بالروح
وشكثر داريت جرحك حتى اثمر
ردتك دمعة ابجيها وكت الضيج
وردتك حلم ليلية ايتكرر
وردتك سالوفه احجيها للناس
قصة وغرام وعشك اخضر
واشكد مرني عشك بالكون
بس بحلاتك ماشفت يسمر
أشكد تنيتك أنه بليلة العيد
ردت انسولف عن العشك واكثر
ونبحر انه وياك وين لاوين
وتخليني بغرامك اشرب واسكر
وتغازلني النجمة بتوالي الليل
وتوديني السماك وبيها اسهر

كلمات تناجي اعماق القلب المفعم بالحب والعتب على المحبوب

تحياتي من اعماق القلب لروعة الكلمه والمعنى ولصاحب القلم

المبدع عقيل الشويلي وننتظر جديدك

[ام افنان]

قصيدة رائعة جدا الله يكون بالعون تقبل مروري

[عقيل كريم الشويلي]

الأخت الرائعة أميرة الروح
اشكر مروركِ الجميل
الذي عطر متصفحي
لكِ خالص تحياتي