اوراقي المبعثره

[ابو ابراهيم الخزرجي]

(((بقلمي)))
كتاباتي
من اشوفك لهفتي ليك تعد لساني
بعيونك سحر صابتني بمجاني
لا احجي لا ارد عليك حبك عماني
يكتلني الخجل مو بديه
كتاباتي
حبيبي طلبت لو انت وياي تمنيت
وردت منك تجيني بالحلم ما جيت
شسوي غيرك ابد ما حبيت
انت سلوتي من تكبل عليه
كتاباتي
احبك واعشك الجلمه وسوالفه
ولسانك عسل ينكط على شفايفه
ياحلات الشعر منثور على كتايفه
احبك والناس تلوم بيه
كتاباتي
الك عينين حلوه ولعني
يتطاير شرر منه ولعني
اشرب نفط من اتروح يول عني
اموت ومحد يحس بيه
كتاباتي
لو بعدوني عنك من اجلك اناضل
تبقى انت الحبيب وابقى الك انا...ضل
وين ايصير سكنك وفي لحبك انا...ضل
بهجرك اموت بشربة اميه
كتاباتي
جبدي الج ويه الجسد يندار
ونبض الكلب ويه الدمه يندار
وشفه علشفه الج النفس يندار
وآنه اوياج انعيش سويه
11/5/2011

[سامي المشكور]

ابو ابراهيم
كلمات رائعه
شكرا لك

[ابو ابراهيم الخزرجي]

شكرا اخي لمرورك الطيب تحياتي وتقديري