افهم يابن الناس
ليش مصر انك ما تبي تفهم
المحبة مو توسل ولا هي اجراح
ونقضيها اطعنك يوم ويوم انته تطعني
ولا جيتك اطلب سماح واتوسل ترجعني
ولا اجيت اطعن بيك والومك
كل ما في الامر ...
جيت اطيب خاطرك بكلمة مني
وانت حر تقبلها او لا
انت تعرف واني اعرف الي راح ما ممكن يرجع
والي صار ما النه ذنب بيه
خلي نحفظ الي بقى مهما كان
نسد بيبان ....نلبس وجوه ....نحط بينا حيطان
المهم نبعد عن التجريح
ومانخسر بعد اشياء اكثر
خلي ولو خيط من الامل ما ينقطع
ومن دراك يمكن يوم تجمعنا الصدف
ما دام انت مالك بصوبي حنان
خلي نبعد هالسواد
ولا تسميها عناد
ولا تسميها غرور
ولا تسميها غدر
خل نسميها نبل
البعد في الحال افضل
لاني خايف جروحي تزيد
ووانت جروحك ما تنعد
احفظني مثل ما ااني احفظك
هذا كل الي ردت اكوله
بس افهم
ياريت ولو مرة بس تفهم