سلام عليكم
بالنسبه للرفض والاستهزاء اللي جاي نشوفه بصراحه ما اتصور اله حل
لان اليوم مثلا اذا اريد اذكر سلبيات صدام راح يندفع الاخوان اللي يحبو ويحولون النقاش ديني
اذا اريد اتكلم عن مظاهرات بالعراق راح يندفع شباب ضد المظاهرات ويدخلوها بأطار ديني
لاصدام ولا المظاهرات ولاالمناقشين الهم علاقة بالدين لكن الدين ( العراقي ) صار محاكي للدين الايراني - السعودي ، يعني دين ظاهري دين سفسطه دين مشاكل وكره وبغض دين لحيه و وجه عابس قذر
ولو تتذكرون ترى بصراحه احنا ناس مو كل سوالفنا بالدين قبل السقوط وما چنا نهتم هذا شيعي وهذا سني
يعني السني يصلي بضريح الامام علي عليه السلام براحته والشيعه يصلون بجوامع السنه براحتهم ، لكن المشكله صارت لمن دخلت دولتين متشدده هي ايران والسعوديه
ايران لمن بدت تدخل بشؤون العراق مادفعت الشيعه للانتقام من السنه واللي عنده غير هذا الكلام اهلا وسهلا
ايران دخلت بالسياسه رادت تسيطر على السياسة بالعراق
لكن السعودية دخولها كان بالشارع مباشر واول عملية ارهابية سمعنا وشفناها هي عملية ذبح وتمثيل واحراق جثة 7 سواق شاحنات بالفلوجة اصلهم من النجف بجامع تابع للمجرم عبد الله الجنابي وهذا الارهابي بين انتمائه للسعوديه لمن طاردته القوات اختفى وصرح بعدها من السعوديه كمقاوم
على العموم نتمنى الكل ينسون ويتركون شغلات الماضي الله لايعوده وهسا جاي اشوف الحمد لله الوضع تقريبا رجع يعني جاي اسمع اكو زواج بين سنه وشيعه مثل قبل
وأن شاء الله تبرد الگلوب وكلشي ينتهي واعذروني على الاطاله