حب وهجران

[ابو ابراهيم الخزرجي]

(((((((((((((((((بقلمي))))))))))))))))))

تلاكينه وسط فرحة العيد وتعاهدنه عالوفه والاخلاص والود
ضميتج بصدري.. حبيتج علخد وتواعدنه نلتكي يوم الحد
حلفتي بعلي الهادي ما تخوني العهد
اجيتج بفرحه العطشان للماي
ساعه اضمج ..ساعه اشمج
ساعه اخاف اعليج من اعداي
ما املج ولاكلبي ينطيني علهجرج آنه احبج
وتعاهدنه ..وخنتي ذاك العهد
ويا فرحة الواشي بفركتنه وسعد
شنهو البده مني يافلانه وبان هجرج
لو سمعتي الحجي باطراف سمعج
.تره ما بدر مني حجي ضدج
ولاجلمه الكلت عني ولاعنج
عواذل وشوه عليه مثل ما وشوه باذنج
لو سمعتي الحجي من اعداي .
سجينه بوسط اجلاي
يحجي اعليج بهداي .
ايكول الذيج والهاي
عن قصة هوانه
لاتهجريني يافلانه
تره كلبي مثل ورد السدانه
من ينكطع عنه الماي يموت بمجانه
لا يافلانه ذاك آنه..ما انسى العهد
وانت علهجر والصد
نسيتي يوم غفت شفتي علشفتج
نسيتي يوم تحت اظلوعي اضمج
لا تلعبين علي يافلانه
صار العشك عندج مثل خلالات العبد
هاي زينه وذيج نكسانه
هواج العذب كليبي وسلب مني الروح
مطرك وانه اخيط اجروح
صرت مثل الطير يرفرف ومذبوح
سايم الله عليج لاتعوفيني ياوردة زماني
بسم العشك كليبج رماني
وجتل روحي وخلاني
طريح الشوك وجواني
ارد اكول على هاي الدنيا وشنهو التغير بيه
طركاعه طاحة عليهه..
يوم تزعل وباجر تحب ايديه
ما تعرف النسوان اليحبه
ويخلص بودة يتمنه الخير ليه
وهذا حضي وياج اتعذب ونوحا بيه
يافلانه روحي الج تحن وتنوح
وكلبي عالجفوف الهجر مذبوح
تجن روحي علعطرج وتفوح
كل يوم اليمر جبدي عليدج مجروح
كلتي احبك كتلج انه احبج اكثر
ونار عشكج بالصدر تسعر
ليلي يطول على الجنبين اتكدر
وباجر يفوت العمر عالكعدات نتحسر
يفلانه اليحب ما ينطيه كلبه
يغدر بولفه ويعذبه ونار حبج بكليبي موجره
انه منين اجيب الصبر كضت احلى ساعات العمر
بالهجر... بالسهر... بالغدر
انا منيدج اطبن للكبر
كلبي يافلانه مو طوبة طفل تسليج
اريد الله يبين حوبتي بيج
وعلي الهادي الحلفتي بيه يعميج
وكلبي التعذب بنار هجرج يجويج
$$$$$$$$$$$$$$$$$$$$$ 12/5/2011

[ابو فاطم]

قصيدة جميلة
شكرا لك اخي ابو ابراهيم
اظنها اقرب الى الشعر الشعبي من الشعر العام اخي الغالي
ولكم خالص التقدير