نظراتك تكتل احد من السيف
ورموشك خناجر بعيون الينظرون
من تمشي حط عينك اعله الكاع
ولاتصد للوادم تره كلهم يدوخون
اسكر من اشوف اعيونك الحلوات
ويتغير حالي مو مثل اليسكرون
دكات الكلب يسمعها سابع جار
ويكول اعتقد هذا مسودن ومجنون
ارد انصحك لوجه الله واخذ الشور
لو مشيت لم شعرك حبيبي من المتون
واذا يوسف مدوخ الناس بجماله
إذاً انت جنه من جنان الله يكولون
ولك مايع من تمشي انت يهواي
ترف وعودك انعم من الزيتون
تعب بصياغتك ربك يمحبوب
وخلاهم عسل من شفايفك ياخذون
من شخابيطي
عقيل كريم الشويلي
20-4-2011