على دروب الوكت يتعنة نجم الليــــل ..... ويرسم بالخواطر جمرة دمــــــوعـــــة
وانة العنوان صرت الكل الورق محروك ..... وصرت دفتر عليه انكتب مـــوضــــوعة
كسر ظهر الورد ما خلة عطرة يفـــــوح ..... ولـــزم جــــف المودة وكســـــر اظلوعة
حجب شمس الحنان وغيم اعلىالطيب ..... وفرك راحة اعلى عمرة وطفة اله شموعة
عجيبة يـــاوكت لانذالك اذب مــــــاي ...... وتزيد اعلى الفقير جروح مــــودوعـــة
لونارك تذوب كلـــوب هاي النــــــاس ..... اذا بركان اصير بــــروح مفجــــوعـــــة
واشك زيج الغدر بجروحي وابنــي الام ..... مهمـــــا يكــــون دولابـك شكل نوعــة
اجتف العين منــك بالدمع لــــــو ريد ..... واهـدك بالرحاب ابدنيــة مدفـــوعــــة
واحفرلك نكر مثل الكمـــــــائــن دوم ..... ورايــات النصر من كلبــــي مرفوعــــة
فــــــر دولابك انت وهــم افـــر دولاب ..... هــــاي سنين عمري وكلهـــا مجموعــة
اذا ابني نهر صدكنــي تغرك بيـــــــه ..... تغرك وانت تدري احزاني مــوجوعــــة
اعتليت ابروحي لا ويتك ترانـــي بزود ..... من عمري الزغير اباول اسبــــوعــــــة
لان شفت الحنـــان مشيب من الــراس ..... وابحظنـــة الدمع متــوســد اللوعـــــة
@@@@@@@@@@@@@
foraten.net/?foraten.net/?foraten.net/?foraten.net/? رفيش
28/4/2011