الشاعر عريان سيد خلف
بعد بيه الصبر واجد
يشب بيدي المكابر .....نار تلهم نار
يكضيني الشرار وطبعي اضل بارد
ازم شفه اعله شفه وناب يخلف ناب
كل واحد شكل.....وصوابهن واحد
مكالب.....والليالي وتريد وسعة بال
وهموم العلي ....مامــــــرن ابواحد
كفاني اترفعت ..عن جلمة الياحيـف
وسهمي اشمانكص..من هالوكت زايد
اكابر عالنــــــــــزف حد وشلة النتاك
دامنته.......وجزت.....لاجبر ولاشد
كبل مهرةاحلامي..تضل باثرها الخيل
هسه..اشمـــــــا اعسها..امحدده اتحدد
وامشاجج زمــــــاني وياي..عين بعين
اتمهمز الكومه........وصاح بيه اكعد
حجرني الصبر ..لاسمح ....لامغتاض
حالي لحالتي........لاوادد.....ولاضد
لادفكة فرح للجـــــــــــــــاي من بعيد
ولاعصرة حـــــزن ..للراد عني ايصد
خلها اشما تصح.....خنياب لو صيهود
طيبت النفس ...........لاطير..ولاسد
لاطيب حليب..........ايحرك الوجدان
ولاصاحب وفي العندالضنك ينــــــــشد
بس مجمع عجارب........ويل للغفلان
تتناوبه ابسمها...وبالعـــــــــــــجل تلبد
صحبة لليل كاس وكهــــــــــكهة غمان
محاببهم جذب...........ومزاحهم بارد
عمت عين الليالي وهجم بيت المــــوت
يتخطه الرعيـــــــــع وياخذ المـــــــاجد
دنيه ولاوحتنــــــــــي ملاوح السرحان
غشتني ابهداها ..........وباكت الواحد
وبعد بيه الصبر واجد واضل الهالعصر شاهد
واصفهم بالقصايد................واحد الواحد
واطشرهم..ولمهم........واحسب الف حساب
ونكي الثوب الابيـــــــــــــض من ردى الفاسد
دمتم بكل خيرامنيات لبلاب لكم