تعيش موضوع حلو

خال والدي من العماره يسولف يگول بالاربعينات بالعماره اجى شقي من اهل بغداد وگام كل يوم يجي يخوي اهل المحلات ( طبعا والعماره زغيره والتجار كلهم من الاقليات لو ايرانيين لو اتراك لو من المحافظات الشماليه والاكراد ) هذاك اليوم يگول صارت الشغله گدام عيني ، راح هذا الشقي على واحد يبيع قماش من بيت الهاشمي وهذول الظاهر تجار معروفين بالعماره ، وهذا الهاشمي چان مسافر فتعجب من شاف هذا ، فطلب منه يورق يگول السيد رفض گله اني ما انخوي . بعدين صاير بينهم شد بالكلام يگول گام الهاشمي وضرب الشقي ( كله ) واستوى الشقي بالگاع ، يگول من يومها وبعد ما شفنا بالعماره .
وعدد اسماء اشقياء لكن مع الاسف نسيتهم أتذكر منهم ( عبد الزهره من بيت بانه ، وبيت حسب الله ، وبيت ابو خنجرين و واحد منهم اسمه ابو الهيجاء هذا ذبح طالب مدرسه لان دافعي علي جماعته ) وا كو واحد يگولون چان من يتعارك يصيح حيييييييييييل ( الكل بالكليه ) يعني كل واحد يصير بوجهه ينضرب

وعذرا على الاطاله لكن بس حبيت اشارك بهذا الموضوع التراثي