أبوذية مع الرد

[ميزان الذهب]

الشاعر بشار الشداد الحياوي :

يصاحب وين خلاني وحيهم
غريب وأرد واصلهم وحيهم
ميتهم كطع ظنتي وحيهم
نساني و مادره بالصار بيـــــــــه

الرد للشاعر المرحوم محمد الحاج غالي:

سهرنه الليل بغيابك وحينه
الغرب سكنة منازلنه وحينه
استراح المات من عدنه وحينه
مدوهن والدهر نساه خويـــــــــه

العزيز ابو عقيل ابوذية من العيار الثقيل عاش كاتبها وناقلها وحياك الله ايها العزيز

[عادل المنصوري]

التريد الراي والتاهت دلوها
هلك منه عذب ينضح دلوها
عثوك الجود لو علت دلوها
وتذل للسايل بكل مرحميه

مهدات الى ابو عقيل المحترم ارجو التواصل

[ابو عقيل]

مهداة الى الأخ :عادل المنصوري مع الشكر والتقدير


هله يامن هدى التايه برايه
وترف للغانمة علومه برايه
وطيب النفس تشهدله برايه
ينصي اشما عله بنفسه الأبية

مامستعد للموت والموت اجاني مو كتلي اموت اعليك موت ابمكاني ابو هاجر

وحيهم
جميل جدا ما كتبت
تحياتي