وجهك اسوره وروايه
اتناقلت من عن وعن
صورتك بالضن شفتها
ومات من شفتك الضن
انته يا تحفه ثمينه
ظلم يظلمها الثمن
صاغك الباري بعنايه
والحسن منك انسن
مشيتك يا رقص شرقي
ويا جرس بالخطوه رن
لا تلوم الشاف عينك
واول النظرات جن
انا ما قربت منك
ولا گلتلك يمي دن
حسنك الي ثار ضدي
وطرفك الهجمات شن
چم جرح خليت بيه
ويا جرح مابيه عن
خلصت ونات گلبي
وما بعد بالگلب ون
احن كل يوم واجيلك
ريته گلبك يوم حن
ريت نستني الليالي
والجفن من ليله چن
اتفننت انتا بدلالك
وعذبتني باحلى فن
ضيعتني وضعت مني
وضاع بغيابك الظن
صرت اسال روحي عني
جاوبتني انتا من
كلمات الشاعر
ناصر اسماعيل الموزاني