رد الجميل .........لواحد مننا .......

شوف ياكريم اغلب المصريين وانا منهم مع التغيير وخصوصا ان الريس كبر فى السن وترك الحكم من حوالى عشر سنيين للحزب الوطنى ووجودة كان رمزى وكلنا كنا فى بداية المظاهرات بس مع الأستجابة وبعد لما الراجل جاب عمر سليمان نائب وعمل تعديل وزارى ووعد بعدم ترشيحة مرة اخرى كان لازم نقف لية هقولك :
1) علشان الفوضى اللى حصلت واللى هتحصل واللى احنا فيها دلوقتى مكنش لازم تحصل حفاظا على مصر
2)عملية نقل السلطة بشكل سلمى كانت مش هتخلينا نخسر الخساير الكتيرة اللى خسرنها دلوقتى ومتقوليش محنا خسرنا كتير واتسرقنا كتير
3) شكلنا وشكل الريس مش حسنى اللى يخرج منها بالشكل دة حسنى مش زين العابدين حسنى مش صدام ياكريم ربنا يسامحنا جميعا على اللى عملناة فية
4) حسنى حماها فى الحرب وحماها فى السلم وعاش فيها واختار انة يموت فيها ودة لوحدة كافى
كان لازم ننظر للمستقبل بشكل يحفظ لينا ولمصر امنها وامنها وبشكل افضل من الشكل اللى احنا فية دلوقتى

معاك حق ياميدو
إحنا فعلا طول عمرنا بنتسرق
مش بس فى حكم مبارك
من زمن الإحتلال لزمن السلاح
الروسى الفاسد اللى سبب لنا النكسة
لمأكولات القطط والكلاب والفراخ الفاسدة
ولبن الأطفال المشعع
ومين يضمن إن اللى جاى مش هايسرق
احنا مش محتاجين نغير حكومة
إحنا محتاجين نغير ثقافة شعب
يفهم المعنى الحقيقى للمنصب
تحياتى لك ميدو