ماجد ياسين واليسا على الماسنجر

**Girl Design** · 26-01-2010

ماجد ياسين : دﮒ جرص (يعني سوة بزززز) بالبدايه لان اليسا جانت انفزبل صباح الخير ياﮔيمر السده اليسا : صباح النور ياماجد شو لسة جاي .. شو بتعمل عندي ماجد : چا غير اجيت اشوفچ قابل المن اشوف خالتي ملتهيه بالسلف والدشاديش الكودري اليسا : ياحرام ياحبيبي طب عم بتئولي هلاء ليه ماحكيت من ساعه ماجد: مدﮔليلي شحچي ؟ اذا جهال ولد اختي خبلوني ﮔطعوا شكو رارنج بالمنطقه وكتلوا شكو بزونه وبالاخير خنـﮔوا الخبازه ام تحسين وفلتوا اليسا : اتمنى مبتزعل منهن ياروحي هم ولاد صغار لاتواخد بالك انتَ ماجد : دعوفينه من الـﮔهال هسة وخل نفوت بـﮔلبي حتى اشوفچ دﮔاته شلون يدﮔن عليچ اليسا : لا لا ياماجد انه مش ائلتلك خلي ئلبك ميدء كتير اي اللي حصل ماجد : ولچ اليسا بروح خالتي فتحيه بنيت غرفه فوﮒ واشتريت غرفة نوم تملخ..شوكت تتزوجيني مو صار بيه حصبه ؟ اليسا : انت ليه تستعـﮔل ياماجد شو ائلت الك انه قبل ... البومي الاخير هلاء نزل.. دنطينه صبر وجه العتوي ماجد : مدﮔليلي ياصبر ؟ مو حتى الصبر مّل مني هو اليشوفچ يشوف صبر..حبيبتي استعجلي تره محضر رعد الناصري بحفلتنه اليسا : رعد مين ياماجد انه عايزه وائل كفوري دنه بعرفوا ماجد : اﮔـعدي راحه عيني وائل ... تريدين يخطفج مني ... بالعباس اخبلكم اني تره واخبله لوائل ... مو عنده اغنية اسمهه تبكي الطيور ... اني اخلي يغني بويه ينعيمه اليسا: حبيبي ليه العصبيه دي ماجد : هو بقه بيه عصبيه انتي ابويه صمطتي صمط وراح اخليج تتحجبين وماكو بعد حفلات اليسا : انه اعتزل طب مين يعيشنا ابن المصخم ... ماجد : اني اعيشچ شبيه لعد ... عندي جليكان بانزين وانتي الزمي صونده ونبيع بساحة ميسلون اليسا : لا لا ياماجد بانزين شو ... انه عبدالله بالخير هداني بئر نفط وماتزوجتو ماجد : اليسا شوفي حبي ... احنه العراقيين اغنى بلد بالنفط ....يعني اصبري چم عام ويايه اله اخليج تطلعين البوم اسمه ( اواخر النهضه ) بدال البومچ مالت اواخر الشتا اليسا : طيب ياماجد انت عايز مني ايه ؟ ماجد : اريد منج تتحجبين وخلص .. وباچر اجي اﮔطع مهر عليچ اليسا حاضر ياماجد انت تئبرني................(شسوي ماكو غيرك اجكم يـﮔلبني)

اخواني اذا عجبتكم اضحكو لأن اني مقريتهة رأسن نزلته واذا ضحكتو عود اقراها ههههههههههه

تحياتي لكم يااغلى اعضاء
والموضوع منقول

**سامي المشكور** · 26-01-2010

هههههههههههههههههه
طبعا حلوه جدا ياجوهرتنا
لان كل شيء تختاريه حتما رائع
تقبلي مروري

**ام فيصل** · 28-01-2010

اخواني اذا عجبتكم اضحكو لأن اني مقريتهة رأسن نزلته واذا ضحكتو عود اقراها ههههههههههه

هههههههههههههههههههههههههه

هاي شلون تصير جوهرتنه
غير تقرين الموضوع اول يمكن يطلع مو خوووووش هههههههههههههههههه

حلو عاشت ايدج بس بعد لتسويهه واقريه اول حبابة

مع تحياتي للوردة