في رثاء المرحوم عبد الحسين الحلفي

[عادل المنصوري]

يالكَوطرت غفله

وجرجريت الروح

اخذها وياك عالشاهد

تريد تنوح

ياشيال وسطة

بخيمة الومضة

تطيح وتدري ماعندي

العمد ليلوح

يالمطعم الكَهوة

بزعفران وهيل

يا طعم الاحط

لو هسه دلتي تفوح

يا عكه التداوي

اغماج بيه جروح

ويا ماي اليروي

الماشي وسط الصوح

انه المطروح

وبخنجر افراكَك يا عبد مذبوح

يا جمرة شته

وتلهب بنص اوجاغ

واوجاغك شعر

من لسعتك ينصاغ

هسه من بردت

جا موكَدك شيبوح

اجيت امشي واطوح

تيهت ممشاي

يالضعنك جفاني

وين ناوي تروح

يا جناز اوكَف

فك الغطى التابوت

اكسر من ضلوعي

وفوكَه اسمر لوح

اكسر من ضلوعي

وفوكَه اسمر لوح

[asir]

تسلم عادل وتسلم الانامل لما تخط بهذا الوفاء یارائع

[الشيخ ابوحيدر]

وفاء منقطع النظير
تحياتي لمدادك يالغالي وربي
يعطيك الصبر والسلوان اجدت
واحسنت تحياتي

[عقيل كريم الشويلي]

شكراً لكَ أخي على روعة
هذه القصيدة المؤلمه
ورحم الله المرحوم الشاعر
عبـــــــــــــــد الحســـــــــــيــــن
الحـــــلــــــــــــــــــــفـــــــــــــــــي
لك تحياتي أخي تقبل مروري

[عادل المنصوري]

مشكورين اخوتي اسير والشيخ ابو حيدر وعقيل
والله يرحم شاعر البصرة عبد الحسين الحلفي

[عنوان الحنان]

كلمات غايه في الروعه والوفاء
والله يرحم شاعرنا المبدع
عبد الحسين الحلفي

[عادل المنصوري]

لك جزيل الشكر والتقدير
والله يرحم الشاعر عبد الحسين

[السومري71]

احسنت وبارك الله فيك اخي العزيز
ورحم اللهالشاعر الكبير عبد الحسين الحلفي