في رثاء المرحوم عبد الحسين الحلفي
وجرجريت الروح
اخذها وياك عالشاهد
تريد تنوح
ياشيال وسطة
بخيمة الومضة
تطيح وتدري ماعندي
العمد ليلوح
يالمطعم الكَهوة
بزعفران وهيل
يا طعم الاحط
لو هسه دلتي تفوح
يا عكه التداوي
اغماج بيه جروح
ويا ماي اليروي
الماشي وسط الصوح
انه المطروح
وبخنجر افراكَك يا عبد مذبوح
يا جمرة شته
وتلهب بنص اوجاغ
واوجاغك شعر
من لسعتك ينصاغ
هسه من بردت
جا موكَدك شيبوح
اجيت امشي واطوح
تيهت ممشاي
يالضعنك جفاني
وين ناوي تروح
يا جناز اوكَف
فك الغطى التابوت
اكسر من ضلوعي
وفوكَه اسمر لوح
اكسر من ضلوعي
وفوكَه اسمر لوح
رد مع اقتباس