شخبصتنه يلي تصيح وتنادي بلديمقراطيه

اذكرك بلمصايب الي سوتها المجنده الامريكيه

بسجن ابو غريب لعبت لعب هاي بنت اليهوديه

على النت تنشر الصور وتكتب قصه حقيقيه

شخبصتنه يلي تصيح وتنادي بلديمقراطيه

شمكثرها المصايب اليوم على ابن العراقيه

حسره علييه صارت حتى الحصه التموينيه

شخبصتنه يلي تصيح وتنادي بلديمقراطيه

القتل مهنتك بشوارعنه يلي ما عندك شهادة جنسيه

قتل وتهجير وبعدك اتصرح تره هاي طائفيه

ولك مابينه الي يكول هذا سني وهذا من منطقه شيعيه

وربنا واحد وكتابنه واحد وشريعتنه اسلاميه

اخوه وما تفركنه احزاب وشعارات عنصريه

قوة بيك القاعده وازلام النظام والبعثيه

مره بسياره مفخخه وعبوات وقنبله يدويه

ومره بكاتم الصوت من صار بييد الحراميه

ولك شخبصتنه يلي تصيح وتنادي بلديمقراطيه

حزام ناسف وغتيالات صارت عندك مسئله عاديه

تتلذذ بدم العراقي وتحصد بينه يوميه يوميه

وقوات الاحتلال فلشت ودنست الجامع والحسينيه

وانت بعدك تسميها القوات الصديقه لومتعددة الجنسيه

وحكومتنه بس تستنكر لأن ما بيديها شي خطيه

قضينه على الارهاب تصريحاتك بلمؤتمرات الصحفيه

جيش كامل مكمل حمايتك وبعدك خايف مثل البنيه

وبيتك خليته منطقه محظوره وبنيته من صبات اسمنتيه

باجر تموت موتت ؟ وتصير قصه منسيه

كبلك ناس هواي غرهم الوكت وقدمناهم لشعب عيديه

ولك شخبصتنه يلي تصيح وتنادي بلديمقراطيه

باجر تموت موتت ؟ وصير قصه منسيه

مانرضه بذل وتبقى اطيب من الطيب روحنه العراقيه



بقلمي
اللهم احفظ العراق وشعبه يارب
وانتقم من كل من اراد السوء
بلعراق وشعبه

اللهم امين
اللهم امين
يارب العالمين